Tədbirlər planının  icrasında "Azneft" İB ilə birgə yaxından iştirak edən “Ekol Mühəndislik  Xidmətləri” QSC də reabilitasiya olunmuş mədən ərazilərində yaşıllıq sahələrinin salınması, genişləndirilməsi və aqrotexniki xidmətlərin keyfiyyətinin  artırılması istiqamətində məqsədyönlü tədbirlər həyata keçirir.  Hazırda payızın gəlişi ilə əlaqədar QSC-nin xidmət göstərdiyi yaşıllıq sahələrində  mövsümü işlər yerinə yetirilir,  yeni  sahələrdə  əlavə  ağaclar əkilir.
      Sentyabr  ayında   "Əsrin  müqaviləsi" nin  20-ci  ildönümü  və "Neftçilər Günü" ilə əlaqədar QSC-nin Torpaqların Rekultivasiyası Departamentinin (TRD) xidmət sahələrində ağacəkmə aksiyasına  başlanmışdır.  Sentyabrın 17-də keçirilən  aksiyada  "Abşeronneft"   NQÇİ-nin  mədən ərazisindəki  əlavə 1 hektar sahədə 1 200 ədəd zeytun, 800 ədəd şam ağacı, H.Z. Tağıyev adına NQÇİ-nin mədən ərazisindəki  əlavə 1 hektar sahədə  isə 500 ədəd  zeytun ağacları əkilmişdir. Ağacəkmə aksiyası sentyabrın 20-dək davam edəcəkdir.
     “Ekol  Mühəndislik  Xidmətləri”  QSC cari ilin  payız   mövsümündə "Azneft" İB ilə birgə yaşıllıq sahələrinin genişləndirilməsi və bərpası  istiqamətində  tədbirləri  davam etdirir.

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...