Xidmətlərimiz
|
|
|
|
"Ekol Mühəndislik Xidmətləri" QSC-də İtaliyanın ETD və SEPRA şirkətlərinin nümayəndələri ilə görüş keçirilmişdir
|
Sentyabrın 26-da, QSC-nin baş ofisində İtaliyanın ETD (European Technology Development) və SEPRA (Separation Process Applıcatıon) şirkətlərinin nümayəndələri ilə "sənaye-çirkab və lay sularının membran filtrasiyası ilə təmizlənməsi" mövzusunda görüş keçirilmişdir.
Görüşdə QSC-nin baş direktorunun SƏTƏM üzrə müavini Rəşad İsmayılov, əlaqədar departament və şöbə rəisləri, eləcə də ETD şirkətinin baş meneceri Filippo Chiusoli, regional meneceri Rejep Rejepov və SEPRA şirkətinin mühəndisi Giancario Tanzi iştirak etmişlər. Görüşdə Rəşad İsmayılov qonaqları salamladıqdan sonra QSC haqqında onlara qısa məlumat verdi , sənaye-çirkab və lay sularının yeni texnologiyalarla təmizlənməsində maraqlı olduqlarını onların diqqətinə çatdırdı. Sonra söz italiyalı qonaqlara təqdim edildi. ETD və SEPRA şirkətlərinin nümayəndələri səmimi qəbula görə minnətdarlıqlarını bildirdikdən sonra sənaye-çirkab və lay sularının membran filtrasiyası ilə təmizlənməsi texnologiyaları və qurğuları haqqında elektron məlumatları izahlı olaraq görüş iştirakçılarına təqdim etdilər. Onlar bu sahədə həyata keçirdikləri pilot layihələr və texniki nəticələr barədə ətraflı məlumat verdilər. Sonra mövzu ətrafında geniş müzakirələr aparıldı və bir sıra məsələlərə aydınlıq gətirildi. Sonda qərara alındı ki, ETD və SEPRA şirkətləri Lay sularının texniki-iqtisadi əsaslandırılması barədə konkret təkliflər paketini müzakirəyə təqdim etsinlər. "Ekol Mühəndislik Xidmətləri" QSC-nin mütəxəssisləri isə öz növbəsində bu təklifləri dərindən araşdıraraq yekun rəyə gəldikdən sonra keçiriləcək növbəti görüşlərdə müzakirələrin nəticələrindən asılı olaraq konkret qərarlar qəbul edilsin. Bununla da görüş qarşılıqlı anlaşma və işgüzar şəraitdə başa çatdı.
tarix : 26.09.2014
|
|
|
|
|
|
|