Sentyabrın 30-da,  əməkdaşlıq  əlaqələri  çərçivəsində  QSC-nin baş ofisində ABŞ-nın ARGUS  şirkətlər qrupunun  nümayəndələri ilə  "neftlə çirklənmiş torpaqların  və  şlamların  Termodesorbsiya üsulu ilə təmizlənməsi" mövzusunda  görüş keçirilmişdir. Görüşdə  QSC-nin  baş  direktorunun  istehsalat üzrə müavini-Texniki direktor   Məzahir  Hüseynov, SƏTƏM  üzrə  müavini  Rəşad  İsmayılov,  əlaqədar departament,  şöbə  rəisləri,  eləcə də  ARGUS   şirkətlər qrupunun  Beynəlxalq  Əməliyyatlar üzrə Müdiri  Alun  Prokter və  ENEP ARGUS  şirkətinin icraçı müdiri Darya Cəfərli iştirak etmişlər.
      Alun  Prokter  ARGUS  şirkətinin neftlə çirklənmiş torpaqların  və  şlamların  Termodesorbsiya üsulu ilə təmizlənməsi sahəsində tanınmış  bir şirkət olduğunu və bir neçə ölkədə  uğurlu layihələr həyata keçirildiyini iştirakçıların diqqətinə  çatdırdı. Sonra  o, bu texnologiyalar və istifadə olunan   qurğular haqqında  elektron məlumatları  görüş iştirakçılarına  təqdim etdi və  prosesləri ətraflı izah etdi.
      Görüşdə Termodesorbsiya üsulu ilə təmizlənmə prosesləri, istifadə olunan qurğunun məhsuldarlığı, texniki parametrləri, enerji sərfiyyatı və digər  texniki məsələlər ətrafında geniş müzakirələr aparıldı və sual doğuran məsələlərə aydınlıq gətirildi.
      Sonda qərara alındı ki, ARGUS  şirkətinin  təqdim etdiyi texnologiyalar və qurğuların xarakteristikaları QSC-nin  mütəxəssisləri tərəfindən dərindən araşdırılsın və qarşılıqlı əməkdaşlıq əlaqələrinin istiqamətləri müəyyən edilsin.

 

 

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...