Tədbirdə çıxış edənlər  ilk növbədə kollektivi bu əlamətdar gün  münasibətilə təbrik etmişlər. Qeyd olunmuşdur ki, 1991-ci ildə Sovetlər İttifaqının dağıldıqdan sonra  Azərbaycan xalqı öz dövlət müstəqilliyini bərpa etmişdir. Həmin il  oktyabrın 18-də Ali Sovetin sessiyasında tarixi sənəd - Dövlət Müstəqilliyi haqqında  Konstitusiya Aktı qəbul olunmuşdur. Konstitusiya Aktında  göstərilmişdir ki, müstəqil Azərbaycan dövləti 1918-1920-ci illərdə mövcud olmuş Xalq Cümhuriyyətinin hüquqi varisidir.
    Çıxışlarda xüsusilə vurğulanmışdır ki, Dövlət Müstəqilliyimizin əldə olunmasında müstəsana rolu olmuş ümummilli lider Heydər Əliyevin  siyasi kursu ötən illərdə uğurla davam etdirilmişdir. Azərbaycan Respublikasının Prezidenti İlham Əliyev cənablarının apardığı uğurlu siyasət nəticəsində keçən 23 il ərzində ölkəmiz öz müstəqilliyini bütün dünyada tanıtmış, beynəlxalq təşkilatların  üzvlüyünə qəbul edilmiş, dünya dövlətləri ilə  bərabərhüquqlu əlaqələr yaranmışdır. Bu illərdə daxili və xarici qüvvələrin təxribat və maneələrinə  baxmayaraq, dövlət müstəqilliyimiz qətiyyətlə  qorunmuş və  ölkəmizin inkişafı üçün  vacib olan bütün tədbirlər həyata keçirilmişdir. 
    Tədbirdə qeyd olunmuşdur ki, Azərbaycanın dövlət müstəqilliyi xalqımızın  tarixi nailiyyətidir.  Müstəqil dövlətimizin  qədrini  bilmək, onu qorumaq,  inkişaf etdirmək, dünyanın ən inkişaf etmiş ölkələri səviyyəsinə çatdırmaq uğrunda mübarizədə  daha  möhkəm  əzm və qətiyyət nümayiş etdirmək isə hər birimizin  müqəddəs borcudur. 
   Tədbirdə Azərbaycan Respublikasının himni səsləndirilmiş,  o  tarixi anlarını əks etdirən videoçarx  nümayiş olunmuş və müstəqilliyimiz uğrunda  canından keçmiş qəhrəman oğullarımızın əziz xatirəsi bir dəqiqəlik sükutla yad edilmişdir.

 

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...