Xidmətlərimiz
|
|
|
|
"Ekol Mühəndislik Xidmətləri" QSC-də çalışan işçilərin tibbi müayinəsinə başlanmışdır
|
QSC-də çalışan işçilərin sağlamlıqlarının qorunması və peşə xəstəliklərinin qarşısının vaxtında alınması daimi diqqət mərkəzindədir. Bu məqsədlə işçi personalın müəssisənin maliyyə vəsaiti hesabına ildə bir dəfə tibbi müayinədən keçirilməsi qərara alınmışdır. 2011-ci ildən başlayaraq "Ekol Mühəndislik Xidmətləri" QSC ilə Meqa Sığorta Şirkəti arasında bağlanmış müqaviləyə əsasən, işçi personala respublikamızda fəaliyyət göstərən bir çox müasir klinikalarda, o cümlədən MODERN HOSPİTAL-da tibbi sığorta xidmətləri göstərilir.
Hər il olduğu kimi, 2014-cü ildə də baş direktorun müvafiq əmri ilə oktyabrın 15-dən QSC-nin rəhbər, mütəxəssis və qulluqçularının illik dövrü tibbi müayinədən (Check Up) keçmələri üçün onların MODERN HOSPİTAL klinikasına göndərilməsinə başlanmışdır. Burada İşçi personalın tibbi müayinədən keçmələri üçün hərtərəfli şərait yaradılmış və yüksək səviyyəli tibbi xidmətlər göstərilir. Tibbi müayinədən keçmiş işçilərin zəruri hallarda ödənişsiz əsaslarla müalicəyə cəlb olunması və lazımı dərman preparatları ilə təmin edilməsi nəzərdə tutulmuşdur. Oktyabr ayının 15-dən başlayaraq bu vaxtadək QSC-də çalışan 110 nəfərə qədər işçi (Check Up) tibbi müayinədən keçmişdir. Hazırda istehsalat proseslərinin fasiləsizliyi təmin edilməklə, ümumi siyahıya və gündəlik qrafikə uyğun olaraq işçilərin tibbi müayinədən keçmələri davam etdirilir. QSC-də çalışan işçilərin tibbi müayinəsinin dekabrın 15-dək davam etdirilməsi planlaşdırılmışdır.
tarix : 21.10.2014
|
|
|
|
|
|
|