Neft sənayesində ətraf mühitə mənfi təsir edən ən əsas amillərdən biri də neftin hasili və emalı proseslərində formalaşan neftşlamdır. Faza tərkibinə görə neftşlam neft məhsulları, su və mexaniki qarışıqlardan ibarətdir. Neftşlamın tərkibi xam neftin növündən, neft emalı prosesindən, axıntı sularının təmizlənməsi üçün istifadə olunan reagentlərdən də asılı olaraq dəyişir. Açıq anbarlarda uzun müddət saxlanılan neftşlamlar yüngül fraksiyaların buxarlanması, neft məhsullarının oksidləşməsi və qatranlaşması nəticəsində keyfiyyətini dəyişir və daha çətin emal olunan kütləyə çevrilir.
     Neftşlamın zərərsizləşdiril¬məsinin və tərkibindəki komponentlərin təkrar istifadəsinin aktuallığını nəzərə alaraq, "Ekol Mühəndislik Xidmətləri" QSC "Sifarişçi" təşkilatlarının istehsalat sahələrində uzun illər yığılıb qalmış və sənaye-çirkab sularının təmizlənməsi prosesində formalaşmış neftşlamın yeni texnika və texnologiyalarla emalı və zərərsizləşdirilməsi üçün zəruri tədbirlər həyata keçirir.  Ötən illər ərzində QSC tərəfindən  ARDNŞ-nin fəalyyət sahələrindən  540 min m3-ə qədər neftşlam çıxarılaraq müxtəlif üsullarla zərərsizləşdirilmişdir. Heydər Əliyev adına BNEZ-nun və "Azərneftyağ" NEZ-nun istehsalat sahələrində isə hər il 20 min m3-dən  çox neftşlam  İsveçin   “Alfa-Laval” şirkətinin dekantor və İtaliyanın  “Pieralisi” şirkətinin trikantor qurğuları ilə  emal edilərək zərərsizləşdirilir.
     ”Ekol Mühəndislik Xidmətləri” QSC neftşlamın ətraf mühitə təsirinin azaldılması istiqamətində həyata keçirdiyi əhəmiyyətli tədbirlərdən biri də mexaniki təmizləyici qurğular sistemində yığılıb qalmış, eləcə də sənaye-çirkab suların təmizlənməsi prosesində formalaşan  neftşlamların  emalı və zərərsizləşdirilməsidir. QSC fəaliyyəti dövründə sistemli olaraq mexaniki  qurğulardakı  neftşlamları çıxararaq  emal etmiş,  nəticədə ətraf mühitə atılan zərərli maddələrin miqdarı kifayət qədər azalmış və sənaye-çirkab  suların təmizlənməsi xeyli dərəcədə yaxşılaşmışdır.    
      Bununla yanaşı, QSC-də neftşlamların  zərərsizləşdirilməsinin digər üsulları da araşdırılır. Bioloji, kimyəvi maddələrin təsiri ilə neft məhsullarının daha səmərəli ayrılması istiqamətində tədqiqat işləri aparılır.  Bu sahəyə yeni texnika və texnologiyaların  əldə olunması məqsədilə analoji xarici şirkətlərlə əməkdaşlıq əlaqələri günü-gündən genişləndirilir.
                              

 

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...