Qeyd edildiyi kimi, "Ekol Mühəndislik Xidmətləri" QSC-nin "Azneft" İB-nin neftqazçıxarma idarələrinin mədən ərazilərində xidmət göstərdiyi yaşıllıq sahələrinin ting təminatının yaxşılaşdırılması məqsədilə, 2013-cü ilin əvvəlində "BibiHeybətneft" NQÇİ-nin mədən ərazisində fəaliyyət göstərən QSC-nin Torpaqların Rekultivasiyası Departamentinin (TRD) 3-cü sahəsində 320 m2 -lik istixana kompleksi tikilərək istifadəyə verilmişdir. İstismar müddətində istixanada minlərlə müxtəlif növ ağac və kol bitkiləri (həmişəyaşıl oleyandr, sərv, şərq tuyası, tək göz evkalipt, zeytun, milesiya, tut, akasiya, iydə və s.) yetişdirilmiş və yaşıllıq sahələrinin bərpasında uğurla istifadə edilmişdir.
Hazırda növbəti ilin yaz əkin mövsümü üçün tinglərin hazırlanması məqsədilə, istixanaya 8 minə qədər akasiya, həmişəyaşıl oleyandr, iydə və s. bitkilərin toxumları əkilərək aqrotexniki xidmətlər göstərilmiş və normal bitiş alınmışdır. Hazırda bu işlər davam etdirilir və tam bitişə nail olmaq üçün zəruri tədbirlər həyata keçirilir. Bununla yanaşı, hazırda TRD-nin 3-cü sahəsindəki yay istixanasında mövcud olan 3 minə qədər Eldar şamı, sərv, akasiya, zeytun və nar ağaclarının, eləcə də həmişəyaşıl oleyandr kolunun tinglərinin bərpa məqsədilə yaşıllıq sahələrinə əkilməsi istiqamətində hazırlıq işləri görülür. İstixanada təbii şəraitə uyğun tinglərin yetişdirilməsi və gözlənilən nəticələrin əldə olunması QSC-nin yaşıllaşdırma sahəsindəki xidmətlərinə öz səmərəsini verməkdədir.
tarix : 31.10.2014
|