“ Ekol  Mühəndislik Xidmətləri ” QSC-də Belçikanın  SİTA  Remediation 
                                      şirkətinin  nümayəndələri  ilə  görüş  keçirilmişdir
       
     Məzahir Hüseynov  qonaqları  salamlayaraq, SİTA Remediation  şirkətinin  nümayəndələri ilə əvvəlki görüşləri onlara xatırlatdı. O, qeyd etdi ki, çirklənmiş torpaqların  təmizlənməsi  QSC-nin fəaliyyətində əsas istiqamətlərindəndir və  bu sahədə yeni texnologiyaların əldə olunmasında  maraqlıdırlar. Odur ki, ümidvarıq ki, bu görüşdə   neftlə çirklənmiş torpaqların təmizlənməsi sahəsində yeni texnika və texnologiyalar haqqında maraqlı məlumatlar əldə ediləcək  əməkdaşlıq əlaqələri üçün zəmin yaranacaqdır.
     SİTA  Remediation  şirkətinin  market meneceri  Erdoğan  Aktepe  səmimi qəbula və görüşün keçirilməsi üçün yaradılan  əlverişli şəraitə görə QSC rəhbərliyinə öz minnətdarlığını  bildirdi. O qeyd etdi ki,  təmsil etdiyi  şirkət  çirklənmiş torpaqların yandırma üsulu ilə təmizlənməsi sahəsində tanınmış şirkətlərdən  biridir. Dünyanın bir çox ölkələrində bir sıra layihələri uğurla həyata  keçirmişlər.
     Sonra Erdoğan Aktepe görüş iştirakçılarını torpaqların yandırma üsulu ilə təmizlənməsi  haqqında  elektron məlumatlarla, aparılmış təcrübələrlə,  texnoloji proseslərlə tanış etmiş və bu barədə ətraflı məlumat vermişdir. Sonra  mövzu ətrafında geniş müzakirələr aparılmış və  bir sıra  məsələlərə aydınlıq gətirilmişdir.  
      Sonda   qərara  alınmışdır ki, təqdim edilən  texnologiyalarının  və  qurğuların səmərəliliyinin  öyrənilməsinə, həmçinin   gələcək əməkdaşlıq əlaqələrinin   istiqamətlərinin müəyyən edilməsinə ehtiyac vardır və bunun üçün qarşılıqlı səylər göstərilməlidir.
                              

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...