QSC-nin Tullantıların Emalı Departamenti (TED) əvvəlki illərdə olduğu kimi 2014-cü ilin müvafiq dövründə də tullantıların idarə olunması sahəsində "Sifarişçi" təşkilatlarla olan müqavilə öhdəliklərinə layiqincə əməl etmişdir. Cari ilin 10 ayı ərzində TED-nin 6-cı sahəsində (Heydər Əliyev adına BNEZ-nun 9-cu sexinin ərazisi) BNEZ-dan mexaniki təmizləyici qurğulara daxil olan 7 milyon 640 min m3-dən çox sənaye çirkab, axıntı suları təmizlənmiş və texnoloji proseslər nəticəsində formalaşan 10 min 175 tona qədər neftşlam müasir qurğular vasitəsilə emal edilərək zərərsizləşdirilmişdir. TED-nin 7-ci sahəsində isə (“Azərneftyağ” NEZ-nun 8-ci sexinin ərazisi) 9 milyon 463 min m3-ə qədər sənaye çirkab suları təmizlənmiş, 8 min 760 ton neftşlam emal olunaraq zərərsizləşdirilmişdir. Yanvar-oktyabr aylarında "AAS-EKOL" MMC-dən TED-nin 8-ci sahəsinə (Parafin sexinə) daxil olan 133 tondan çox ərsin parafini sudan və mexaniki qarışıqlardan ayrılmışdır.
2014-cü ilin müvafiq dövründə QSC-nin "Sifarişçi" təşkilatları olan FHN-nin Xəzər Hövzə Qəza-xilasetmə xidməti, ARDNŞ-nin "Kompleks Qazma İşləri" Tresti, "Azərbaycan Xəzər Dəniz Gəmiçilik" QSC-nin Dəniz Neft Donanması, “AA services”, “AAS-ATE” MMC, “Suraxanı OYL Opereyşn Kompani S.A.” Şirkətinin Azərbaycan Respublikasındakı Nümayəndəliyi, ARDNŞ-nin Ekologiya İdarəsi, Qaz Emalı Zavodu, "Neftqaztikinti" Tresti “AAS- Ekol” MMC və digər təşkilatlardan qəbul edilmiş 61 min 600 ton; m3-dən çox müxtəlif növ tullantılar (şlam, neft şlam, yağlı su və torpaq, məişət-təsərrüfat çirkab, axıntı suları, neftli-yağlı və mexaniki qarışıqlı tullantılar və s.) TED tərəfindən texnoloji reqlamentə uyğun təmizlənərək zərərsizləşdirilmişdir. Cari ilin müvafiq dövründə TED tərəfindən ARDNŞ-nin "Azərneftyağ" NEZ-nun "Bakı Ağ Şəhər" layihəsi ərazisindəki istehsalat sahələrindən 2 min 880 m3-ə qədər sənaye-çirkab suları mexaniki qurğulara nəql edilərək təmizlənmişdir. ARDNŞ-nin Neft Kəmərləri İdarəsinin Dübəndi İstehsalat Bölümündə isə "axıntı sularının təmizlənməsi" məqsədilə mühəndislik xidmətləri göstərilmişdir. 2014-cü ilin I yarısında TED-nin xidmət sahələrində fasiləsizliyinin təmin edilməsi, göstərilən xidmətlərin səviyyəsinin daha da yaxşılaşdırılması və ətraf mühitin mühafizəsi istiqamətində zəruri tədbirlər həyata keçirilmişdir. Bu məqsədlə, TED-nin xidmət sahələrində istismarda olan mexaniki təmizləyici qurğularda profilaktiki təmir və abadlıq işləri aparılmış, dekantor, trikantor və "FOX-15" separator qurğularında cari təmir işləri görülmüşdür. TED tullantıların idarə olunması sahəsində "Sifarişçi" təşkilatların məmnunluğunun qazanılması istiqamətində məqsədyönlü fəaliyyətini davam etdirir.
tarix : 12.11.2014
|