Azərbaycan öz müstəqilliyini əldə etdikdən sonra yeni Konstitusiyanın hazırlanmasına zərurət yaranmışdır. Bununla əlaqədar olaraq ulu öndər Heydər Əliyev başda olmaqla xüsusi komissiya yaradıldı və Konstitusiya layihəsi ümumxalq müzakirəsinə verildi. Nəhayət, 1995-ci il noyabrın 12-də ümumxalq referendumu ilə Müstəqil Azərbaycanın ilk Konstitusiyası qəbul edildi. Həmin ildən bu əlamətdar gün respublikamızın hər yerində təntənə ilə qeyd olunur.
12 noyabr Konstitusiya günü münasibətilə "Ekol Mühəndislik Xidmətləri" QSC-də də tədbir keçirilmişdir. Tədbirdə çıxış edənlər QSC-nin bütün kollektivini bu əlamətdar gün münasibətilə təbrik etmiş, onlara gələcək fəaliyyətlərində müvəffəqiyyətlər arzulamışlar.
Tədbirdə Azərbaycanın müstəqil və demokratik ölkə kimi beynəlxalq arenada öz mövqeyini daha da möhkəmləndirdiyi, ölkəmizdə sivil dəyərlər sisteminin formalaşdığı, insan hüquq və azadlığının ən yüksək formada təsbit olunduğu xüsusilə vurğulandı.
Qeyd olundu ki, qanunlar toplusu olan Konstitusiyaya hörmət və əməl etmək hər bir insanın vətəndaşlıq borcudur. Çünki Konstitusiya təkcə dövlət strukturlarında deyil, hər bir fərdin, kollektivin gündəlik ictimai-siyasi həyatında mayak və onun fəaliyyətini istiqamətləndirən etibarlı, hüquqi normalar sistemidir.