Xidmətlərimiz
|
|
|
|
“ Ekol Mühəndislik Xidmətləri ” QSC “ Xəzər: Ətraf Mühit üçün Texnologiyalar” 5-ci Yubiley Beynəlxalq Ətraf Mühit Sərgisinin iştirakçısıdır
|
Azərbaycan Respublikası Ekologiya və Təbii Sərvətlər Nazirliyinin dəstəyi və “ Iteca Caspian” şirkətinin təşkilatçılığı ilə, “ Bakı Ekspo Mərkəzi" də ətraf mühitin mühafizəsinə həsr olunmuş “Xəzər: Ətraf Mühit üçün Texnologiyalar ” 5-ci Yubiley Beynəlxalq Ətraf Mühit Sərgisi noyabrın 19-da öz işinə başlamışdır.
Sərgi Azərbaycanın və xarici ölkələrin "təmiz" texnologiyalar bazarını təmsil edən, habelə ekologiya, tullantıların utilizasiyası və təmizlənməsi sahəsində öz məhsul və xidmətlərini təklif edən şirkətləri, eləcə də elm xadimlərini və dövlət orqanlarının nümayəndələrini bir araya gətirmişdir. Sərgi iştirakçıları arasında neft sektorunun aparıcı şirkətləri də var və onlar təbii resurslardan səmərəli istifadə sahəsində yeni texnologiyaları, habelə karbohidrogenlərin hasilatı və emalı zamanı əhalinin ekoloji təhlükəsizliyinin təmin olunması üzrə həyata keçirdikləri layihələrini təqdim edirlər. 5-ci Yubiley Beynəlxalq Ətraf Mühit Sərgisində “ Ekol Mühəndislik Xidmətləri ” QSC də həyata keçirdiyi ekoloji layihələri və istehsalata tətbiq etdiyi müasir texnika və texnologiyaları əks etdirən maraqlı stendi ilə iştirak edir. QSC-nin stendi, xüsusilə İsveçin “Alfa-Laval” şirkətinin istehsalı olan, neftşlamı emal edən modul dekantor qurğusunun maketi sərgi iştirakçıları tərəfindən böyük maraqla izlənilir. Sərgidə iştirak edən Azərbaycan Respublikasının Ekologiya və Təbii Sərvətlər Naziri Hüseynqulu Bağırov da QSC-nin stendi ilə tanış olmuş, həyata keçirilən ekoloji layihələrlə maraqlanmışdır. Baş direktorun istehsalat üzrə müavini-Texniki direktor Məzahir Hüseynov QSC-nin fəaliyyəti və icra olunan layihələr haqqında H. Bağırova qısa məlumat vermişdir. “ Xəzər: Ətraf Mühit üçün Texnologiyalar ” 5-ci Yubiley Beynəlxalq Ətraf Mühit Sərgisinin üç gün davam edəcəyi və noyabrın 21-də başa çatacağı nəzərdə tutulmuşdur.
tarix : 19.11.2014
|
|
|
|
|
|
|