Bu tədbirlər çərçivəsində  çirkab suların təmizlənməsində istifadə  olunan kimyəvi reagentlərin istehsalı sahəsində tanınmış NALCO  Champion şirkətinin nümayəndələri ilə görüş keçirilmişdir. "Ekol Mühəndislik Xidmətləri" QSC-nin baş direktorunun  SƏTƏM üzrə müavini Rəşad İsmayılov, əlaqədar departament  və  şöbə rəisləri, həmçinin NALCO  Champion şirkətinin  Xəzər regionu üzrə  layihə meneceri  Melek Şenkya,  şirkətin Adminstrativ  meneceri  Namiq  Səfixanov görüşdə  iştirak etmişlər.  Rəşad İsmayılov  qonaqları salamlayaraq,  onlara  QSC haqqında qısa  məlumat vermiş və   sözü qonaqlara təqdim etmişdir.
     Melek  Şenkya təmsil etdiyi şirkətin fəaliyyəti, həyata keçirdiyi  layihələr və əməkdaşlıq əlaqələri barədə görüş iştirakçılarına məlumat vermiş, elektron  məlumatları onların  diqqətinə  çatdırmışdır. Sonra mövzu ətrafında geniş müzakirələr aparılmış, NALCO  Champion  şirkətinin  istehsalı olan reagentin "Ekol Mühəndislik Xidmətləri" QSC-nin xidmət sahəsində sınaqdan keçirilməsi məqsədəuyğun hesab edilmişdir.
    Sonda qərara alınmışdır ki, NALCO Champion şirkətinin mütəxəssislərinin  iştirakı ilə  "Emulsotron SX 4283  reagentinin QSC-nin istehsalat sahəsində istismarda olan FOX-15 qurğusunda  sınağı  keçirilsin və konkret təkliflər hazırlansın.

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...