|
"Ekol Mühəndislik Xidmətləri" QSC-nin Tullantıların Emalı Departamentinin (TED) 5-ci, 6-cı (Heydər Əliyev adına BNEZ-nun 9-cu sexinin ərazisi) və 7-ci ("Azərneftyağ" NEZ-nun 8-ci sexinin ərazisi) xidmət sahələri demək olar ki, qışa tam hazırdır. Qış mövsümündə hava şəraitindən asılı olmayaraq tullantıların keyfiyyətlə idarə edilməsi, texnoloji proseslərin fasiləsizliyinin təmin olunması və baş verə biləcək qəzaların qarşısının alınması üçün TED-də "qışa hazırlıq tədbirlər planı" çərçivəsində profilaktiki təmir və sazlama işləri yüksək templə davam etdirilir.
Bu məqsədlə, emaledici və təmizləyici qurğularda profilaktiki təmir və sazlama işləri yerinə yetirilir, qəzaların qarşısının alınması üçün əlavə yardımçı boru xətləri quraşdırılır. Şaxtalı və qarlı hava şəraitində işçi heyətin təhlükəsizliyinin təmin olunması məqsədilə çökdürücü göllərin üzərindəki metal şəbəkələr yenisi ilə əvəz olunur. Sahələrdə ötürücü boru xətlərinin, eləcə də nasosların izolyasiya, təmiri, rənglənməsi və sazlanması işləri başa çatdırılmışdır.
TED-nin xidmət sahələrində "qışa hazırlıq tədbirlər planı" ilə əlaqədar görülən işlər isə, qış mövsümündə ekstremal hava şəraitində belə tullantıların keyfiyyətlə idarə olunmasına və texnoloji proseslərin fasiləsizliyinin təmin edilməsinə əsaslı zəmin yaradır.
tarix : 08.12.2014
|
ana səhifə
Satınalma
əlaqə
Futzal
Alternativ Enerji
Bu maraqlıdır
