Ötən il TED-nin  6-cı sahəsində (Heydər Əliyev adına BNEZ-nun 9-cu sexinin ərazisi)   BNEZ-dan mexaniki təmizləyici qurğulara daxil olan  8 milyon 648 min m3-dən çox sənaye çirkab sularını təmizləmiş və texnoloji proseslər  nəticəsində formalaşan  11 min 783 tona qədər neftşlam  müasir texniki vasitələrlə emal edilərək  zərərsizləşdirilmişdir.  TED-nin 7-ci sahəsində isə  (“Azərneftyağ”   NEZ-nun  8-ci sexinin ərazisi)  11 milyon 366 min m3-ə qədər  sənaye çirkab suları təmizlənmiş, 10 min tondan çox neftşlam  emal olunaraq  zərərsizləşdirilmişdir.  İl ərzində TED-nin 8-ci sahəsindəki Parafin sexində (Heydər Əliyev adına   BNEZ-nun 9-cu sexinin ərazisi) "AAS EKOL" MMC-dən   daxil  olan   167 tona qədər ərsin parafini sudan və mexaniki qarışıqlardan  ayrılmışdır.
      Eyni zamanda, 2014-cü ildə QSC-nin ayrı-ayrı "Sifarişçi" təşkilatla bağladığı müqavilələrə əsasən, ARDNŞ-nin "Kompleks Qazma İşləri" Trestindən, "Neftqaztikinti" Trestindən, Ekologiya İdarəsinin,  Fövqəladə Hallar Nazirliyinin  Xəzər Hövzə Qəza - xilasetmə xidmətindən, "Azərbaycan Xəzər Dəniz Gəmiçilik" QSC-nin Dəniz Neft Donanmasından, "Suraxanı OYL Opereyşn Kompani S.A." Şirkətinin Azərbaycan Respublikasındakı Nümayəndəliyindən, "AAS-EKOL" MMC-dən, AAS-ATE MMC-dən, AA services-dən, Azərbaycan Dövlət Dəmir Yolu QSC-nin Biləcəri Yuma- buxarlanma stansiyasından  "Az Metanol Ko" MMC-dən, "İnter Qaz Servis" MMC-dən və digər təşkilatlardan 70 min m3/tondan çox müxtəlif tərkibli çirkab suların, mədən axıntı sularının, işlənmiş yağların, ərsin parafininin, neftşlamın daşınması,  təmizlənməsi və utilizasiyası təmin edilmişdir. ARDNŞ-nin "Azərneftyağ" NEZ-nun  Bakı Ağ Şəhər layihəsi ərazisindəki  gölməçələrində yığılmış  2 min 880 m3 qədər  sənaye-çirkab suları nəql edilərək təmizlənmişdir.
      TED əvvəlki illərdə olduğu kimi,  2014-cü ildə də istehsalatın fasiləsizliyinin təmin edilməsi,  həmçinin ətraf mühitin mühafizəsi  təmin edilməklə göstərdiyi mühəndislik xidmətlərinin səviyyəsinin daha da yüksəldilməsi istiqamətində zəruri və məqsədyönlü tədbirlər həyata keçirmişdir. Bu məqsədlə TED-nin 6-cı və 7-ci  sahələrində mexaniki və modul  təmizləyici qurğularda profilaktiki təmir işləri aparılmış, 2 çökdürücü göl çöküntülərdən təmizlənərək təkrara istismara verilmişdir.
      TED 2015-ci ildə də tullantıların yüksək səviyyədə  idarə edilməsi sahəsində QSC-nin qarşısında  duran vəzifələrin  icrasını  əzmlə davam etdirir.