Əvvəlki illərdə olduğu kimi 2014-cü ildə də Nəqliyyat sexi üzərinə düşən vəzifələri vaxtında və keyfiyyətlə yerinə yetirmiş, sexin minik və yük avtomobilləri, eləcə də xüsusi texnikaları vasitəsilə QSC-nin həyata keçirdiyi ekoloji layihələrin icrasında yaxından iştirak edərək öz layiqli tövhələrini vermişdir.
Ötən il ərzində "Suraxanı Oyl Opereyşn Kompani S.A." Şirkətinin Azərbaycan Respublikasındakı Nümayəndəliyinin mədən ərazilərindən lilsovuran avtomobillər vasitəsi ilə 28 121 m3 mədən axıntı suları, "Azərbaycan Xəzər Dəniz Gəmiçilik" Dəniz Neft Donanmasının ərazisindən 2 119 m3 döşəməaltı lyal axıntı suları, Ekologiya İdarəsinin ərazisindən 55 m3 neftli, kimyəvi tərkibli suları, ARDNŞ Neftqaztikinti trestinin ərazisindən 121 m3 axıntı çirkab suları və BibiHeybət Gəmi Təmiri Zavodu ərazisindən 180 m3 neftlə çirklənmiş suların daşınması həyata keçirilmişdir. QSC-nin Torpaqların Rekultivasiyası Departamentinin (TRD) xidmət göstərdiyi H.Z. Tağıyev adına NQÇİ-nin (Qala sahəsi) yaşıllıq sahəsində "Ekskovator MST" markalı texnika ilə 1000 ədəd ağac yeri qazılmış, bu sahəyə və "Abşeronneft" NQÇİ-nin (Pirallahı sahəsi) yaşıllıq sahəsinə 30 m3 torpaq , 30 m3 isə peyin daşınmış, 0.5 hektar ərazi şumlanmışdır. 2014-cü ildə "Belarus MTZ-892" markalı texnika ilə 1.5 hektar ərazi hamarlanmış, 6 m3 alaq və 1 200 ədəd ağac tingləri daşınmışdır. "Ekskovator MST-542" və "Buldozer Keyz" markalı texnikalarla 250 ədəd ağac yeri qazılmış, 150 metr uzunluğunda kanal qazılmış, 8 m3 peyin daşınmışdır. Nəqliyyat sexinin istifadəsində olan özüboşaldan Kamaz markalı nəqliyyat vasitələri ilə "BibiHeybət" NQÇİ-nin mədən ərazisinə 15 m3 peyin, 300 ədəd ağac, 5 m3 torpaq daşınmışdır. "Qaz 3302-18" markalı yük avtomobili ilə TRD-nin inzibati binasına (Zığ qəsəbəsi) BibiHeybət və Qala sahələrinə lazımi yüklərin daşınması həyata keçirilmişdir. Heydər Əliyev adına BNEZ və "Azərneftyağ" NEZ-in ərazilərində istismarda olan dekantor qurğularının fəaliyyəti nəticəsində formalaşan torpaqlar"Belarus Mur-351" və "Buldozer keyz" markalı traktorlarla özüboşaldan nəqliyyat vasitələrinə yığılaraq xüsusi ərazilərə daşınmışdır. Nəqliyyat sexi texniki vasitələrlə QSC-nin fəaliyyətinin əsas istiqamətlərindən olan ətraf mühitin qorunması və ekoloji yönümlü işlərin yerinə yetirilməsində də yaxından iştirak etmişdir. Bu məqsədlə TRD-nin BibiHeybət və Qala sahələrində xidmət göstərdiyi yaşıllıqların suvarılmasına texniki dəstək göstərilmişdir. Yay mövsümündə bu sahələrin su təchizatının yaxşılaşdırılması üçün "Ford Truck 1826D" markalı avtomobillə TRD-nin inzibati binasının ərazisinə 3 700 m3, Bakı Ağ Şəhər layihəsi ərazisinə 20 m3 , Dübəndi terminalına isə 150 m3 su daşınmışdır.. Hər il olduğu kimi, ötən ildə də Nəqliyyat sexindəki nəqliyyat vasitələrinə texniki xidmətin səviyyəsinin artırılması istiqamətində məqsədyönlü tədbirlər həyata keçirilmişdir. İl ərzində nəqliyyat vasitələrinin mövsümü rejimdə işləməsi üçün lazımı ehtiyat hissələri və yanacaq sürtgü materialları ilə təmin olunmuşdur. Nəqliyyat vasitələri vaxtlı-vaxtında texniki baxışdan keçirilmiş, yol vərəqələri və norma həddində yanacaq sürtgü materialları ilə təmin edilmişdir. Hərəkətin təhlükəsizliyini təmin etmək məqsədilə qabaqlayıcı tədbirlər görülmüş, sürücülərə vaxtaşırı təlimatlar keçirilmişdir. Nəqliyyat sexinin kollektivi 2015-ci ildə də öz fəaliyyətini QSC-də istehsalatın fasiləsizliyinin təmin edilməsi və ekoloji layihələrin keyfiyyətlə həyata keçirilməsi məqsədi ilə yüksək səviyyəli texniki xidmətlərin göstərilməsini bir vəzifə olaraq qarşıya qoymuşdur.
tarix : 22.01.2015
|