Xidmət sahələrində fasiləsizliyin və texniki təhlükəsizliyin təmin edilməsi, istismarda olan qurğu və avadanlıqların daimi işlək vəziyyətdə olması, xidmət sahələrinin fasiləsiz olaraq elektrik enerjisi, su, təbii qaz və hava ilə təchizatı QSC-nin həyata keçirdiyi ekoloji layihələrin kəmiyyət və keyfiyyətini şərtləndirən əsas amillərdəndir. Bunu nəzərə alan QSC-nin Elektromexanika sexinin kollektivi əvvəlki illərdə olduğu kimi, 2014-cü ildə də QSC-nin fəaliyyət sahələrində yüksək səviyyəli xidmətlər göstərmiş və peşəkarlıq nümayiş etdirmişlər.
2014-cü ildə Elektromexanika sexi tərəfindən Tullantıların Emalı Departamentinin 6-cı sahəsində (Heydər Əliyev adına BNEZ-nun 9-cu sexinin ərazisi) istismarda olan dekantor qurğusunun (Alfa-Laval) bütün nasosları dəyişdirilərək yenisi ilə əvəz edilmişdir. A-2 qəza anbarından dekantor və trikantor ("Pieralisi") qurğularına şlamın ötürülməsi üçün təzə nasos qoyulmuş, anbarın içərisində 7m uzunluğunda və 4m hündürlüyündə estakada quraşdırılmışdır. Trikantor qurğusundakı istilikdəyişdirici nasoslara pəncərələr açılmışdır. 95/3 çökdürücü gölün üzərinə 27 ədəd (2 m x 6 m ölçüdə) metal ayaqaltılar yığılmışdır.
Ötən il Elektromexanika sexinin məqsədyönlü fəaliyyəti nəticəsində QSC-nin xidmət sahələrində istismara yararsız metal elektrik-güc yeşikləri yeni plastik yeşiklərlə əvəz edilmiş və içərisi yenidən yığılmışdır. 6-cı sahənin 2-ci sənaye axarındakı 15 və 21 saylı nasosların çıxış xətti təzələnmişdir. A-2 qəza anbarında fəaliyyət göstərən Draqlayn xüsusi texnikasının ayaqaltıları üçün metal meydançalar (4 m x 6 m ölçüdə ) düzəldilmişdir. "Çiller" isitmə və soyutma sisteminin nasosxanasına əlavə olaraq 620 m uzunluğunda yeni qaz xətti çəkilmişdir.
İl ərzində QSC-nin xidmət sahələrinə məqsədli və yüksək səviyyəli texniki xidmətlər göstərilmiş Elektromexanika sexi, hazırda texnoloji proseslərin fasiləsizliyinin təmin edilməsi və ekoloji layihələrin keyfiyyət göstəricilərinin artırılması istiqamətində fəaliyyətini əzmlə davam etdirir.
tarix : 29.01.2015
|