Texniki təhlükəsizlik şöbəsinin (TTŞ) məqsədyönlü fəaliyyəti nəticəsində əvvəlki illərdə olduğu kimi, 2014-cü ildə də QSC-nin xidmət sahələrinin texniki təhlükəsizliyi və əməyin mühafizəsi yüksək səviyyədə təmin edilmişdir
Ötən il TTŞ tərəfindən struktur bölmələrinin işçi heyətlərinə ilkin yanğınsöndürmə vasitələrindən istifadə qaydaları mövzusunda nəzəri və praktiki məşğələlər keçirilmiş, mütəmadi olaraq qazanxanaların qaz boru xətlərində kipliyin yoxlanılması və aktlaşdırılması aparılmışdır. İstifadə müddəti bitməmiş, istehsalat prosesi zamanı yararsız vəziyyətə düşmüş, fərdi mühafizə vasitələri müvafiq komissiya tərəfindən aktlaşdırılaraq yenisi ilə əvəz olunması həyata keçirilmişdir. QSC-nin xidmət sahələri sarğı və dərman vasitələri ilə təmin olunmuşdur. 2014-cü ildə, hər rüb "yanğın texniki komissiyası"nın iclası keçirilmiş, xidmət sahələrində yanğına qarşı görülən tədbirlərin vəziyyət müzakirə olunmuş, aşkarlanmış uyğunsuzluqlar akt və protokollarda öz əksini tapmışdır. TTŞ tərəfindən Mülki Müdafiə üzrə Nizami rayon MM şöbəsinin təsdiq etdiyi qrafikə uyğun olaraq MM qüvvələrinə dərslər keçirilmişdir. QSC-də 1 mart Ümumdünya Mülki Müdafiə günü qeyd edilmiş və rəhbər heyəti iştirak etmişdir. Qəzanın ləğvetmə planı hazırlanmış və qrafikə uyğun dərslər keçirilmişdir. MM dərslərində işçilərə qəza hallarında davranış qaydaları və qəzanın planlı surətdə aradan qaldırılması haqqında məlumatlar verilmişdir. İstirahət və bayram günlərində işlərin təhlükəsiz aparılmasına nəzarət məqsədi ilə gücləndirilmiş iş rejiminə keçilmiş və işçilərin növbətçiliyə cəlb olunması məqsədi ilə müvafiq qrafiklər hazırlanaraq tətbiq edilmişdir. Ötən il əməyin mühafizəsi ilə bağlı prezentasiyaların hazırlanması üçün materiallar toplanmış, əməyin mühafizəsi kabinetində dərs qrafikinə uyğun dərslər və prezentasiyalar keçirilmişdir. Bütün xidmət sahələrində çalışan işçilərə “Elektrik təhlükəsizliyi qaydaları” mövzusunda maarifləndirmə tədbirləri görülmüşdür. İl ərzində OHSAS-18001 tələblərinə uyğun olaraq xidmət sahələrində auditlər aparılmış, aşkar edilmiş uyğunsuzluqlar qısa zamanda aradan qaldırılmışdır. Yeni işə qəbul edilmiş işçilərə giriş təlimatları verilmiş və şəxsi kartoçkalar tərtib edilmişdir. Sahələrdə təhlükəsizlik texnikası və yanğın təhlükəsizliyi üzrə müvafiq reydlər aparılmış və aşkarlanmış uyğunsuzluqlar qeydə alınaraq müvafiq tədbirlər görülmüşdür. 2014-cü ildə QSC-də çalışan işçilər yay və qış fərdi mühafizə vasitələri ilə təmin olunmuş, sahələrdə istifadəyə yararsız odsöndürən balonlar yeniləri ilə əvəz edilmiş, tələb olunan təhlükəsizlik plakatları alınaraq aidiyyəti üzrə yerləşdirilmişdir. Tullantıların Emalı Departamentinin və Elektromexanika sexinin işçilərinə il ərzində qəzanın ləğvetmə planına uyğun praktik məşğələlər keçirilmiş, qış və yay mövsümünə uyğun görüləcək işlərin tədbirlər planı hazırlanmış və icrasına nəzarət təmin olunmuşdur. Mütəmadi olaraq "AAS-Ekol" MMC-dən qəbul edilmiş tullantıların qeydiyyatının aparılması, aylıq və illik hesabatın hazırlanması həyata keçirilmişdir. Texniki təhlükəsizlik şöbəsi 2015-ci ilədə də QSC-nin xidmət sahələrinin texniki təhlükəsizliyinin beynəlxalq standartlar səviyyəsində təmin edilməsi, əməyin mühafizəsi və qəza hallarının qarşısının alınması istiqamətində fəaliyyətini səylə davam etdirir.
tarix : 30.01.2015
|