|
Hər il respublikamızda fəaliyyət göstərən ayrı-ayrı ali təhsil müəssisələrinin tələbələri "Ekol Mühəndislik Xidmətləri" QSC-də də istehsalat təcrübəsi keçirlər. 2015-ci ildə də bu ənənə davam etdirilir. Bakı Dövlət Universiteti rəhbərliyinin müraciətinə əsasən, QSC-nin baş direktorunun müvafiq əmri ilə yanvar ayının 26-dan həmin universitetin "Ekologiya və torpaqşünaslıq" fakültəsinin IV-cü kurs tələbələrinin istehsalat təcrübəsinə start verilmişdir. İstehsalat təcrübəsinin keçirilməsi QSC-nin Ekoloji Monitorinq Departamentinin rəisi, peşəkar mütəxəssis Şahabiddin Albuşova həvalə edilmiş, təcrübənin səmərəli və effektiv keçməsi üçün tələbələrə lazımı şərait yaradılmışdır.
Universitet tələbələrinin öz ixtisaslarına yiyələnməsi və bacarıqlı bir mütəxəssis kimi yetişməsi məqsədilə, yeni texnika və texnologiyaların mənimsənilməsi, neft sənayesi və ekologiya sahəsində qazanılmış təcrübədən yararlanma, təhsil müəssisələrində əldə olunmuş elmi-texniki nailiyyətlərin istehsalatda tətbiqi sahələrinin müəyyən edilməsi, eyni zamanda təcrübi biliklərə marağın artırılması istehsalat təcrübəsi proqramının əsas istiqamətləri kimi müəyyən edilmişdir.
İstehsalat təcrübəsinin proqramına əsasən, hazırda Şahabiddin Albuşov tələbələrə “Ekol Mühəndislik Xidmətləri” QSC-nin fəaliyyəti haqqında geniş məlumat verməklə yanaşı, onları sənaye-çirkab, axıntı sularının təmizlənməsi, neftşlamın emalı və zərərsizləşdirilməsi prosesləri, çirklənmiş torpaqların təmizlənməsi, reabilitasiya olunmuş ərazilərdə yaşıllıqların salınması və aqrotexniki xidmətlərin göstərilməsi qaydaları, eləcə də texnoloji qurğuların iş prinsipləri ilə yaxından tanış edir. Eyni zamanda, tələbələr QSC-nin Kompleks Tədqiqatlar Laboratoriyasında çirklənmiş torpaqlar, neftşlam, sənaye-çirkab, axıntı və lay suları nümunələri üzərində aparılan fiziki-kimyəvi analitik təhlillərin metodikaları və istifadə olunan reagentlərlə praktiki olaraq tanış edilir və sınaq təcrübələri keçirilir. İstehsalat təcrübəsinin fevralın 15-dək davam etdirilməsi nəzərdə tutulur.
Ali təhsil müəssisələrində təhsil alan tələbələrin ekoloji maarifləndirilməsinə, onların elmi biliklərinin istehsalatla əlaqələndirilməsinə və gənc nəslin təcrübi biliklərinin artırılmasına dəstək olmaq “Ekol Mühəndislik Xidmətləri” QSC-nin fəaliyyətinin prioritet istiqamətlərindən biridir və bu sahədə daimi məqsədyönlü tədbirlər həyata keçirilir.
tarix : 04.02.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
