"Ekol Mühəndislik Xidmətləri" QSC-nin Torpaqların Rekultivasiyası Departamenti (TRD) xidmət göstərdiyi digər sahələrdə olduğu kimi, “BibiHeybətneft” NQÇİ-nin mədən ərazisindəki yaşıllıq sahələrində də mövsümü  və yaza hazırlıq işlərini davam etdirir. Hazırda TRD-nin 2-ci sahəsinin kollektivi  mədən ərazisində 49 mindən çox  müxtəlif  növ ağac və  bəzək  kollarına aqrotexniki   xidmətlər  göstərir.

      Qış mövsümünə uyğun olaraq mədən ərazisinin yaşıllıq sahəsində bitkilərin mühafizəsi üçün zəruri aqrotexniki tədbirlər həyata keçirilir, ağacların dibləri boşaldılır, bitkilərə üzvü və qeyri üzvü gübrələr verilir. Qurumuş və zəif inkişaf etmiş ağacların  bərpası təmin  edilir.  Qarşıdan gələn yaz  mövsümünə hazırlıqla əlaqədar  TRD-nin  “BibiHeybətneft” NQÇİ-nin mədən ərazisindəki 320 m2-lik istixanada yetişdirilən  tinglərin əkilməsi  üçün  sahələr  müəyyən  edilərək  əkinə  hazırlanır.

      Mədən ərazisindəki yaşıllıq sahələrində  bərpa və yaza hazırlıq işlərinin  yaz əkini  mövsümünədək davam  etdirilməsi nəzərdə tutulur.

tarix : 09.02.2015