“Ekol Mühəndislik Xidmətləri” QSC-də ətraf mühitin mühafizəsi sahəsində görülən önəmli tədbirlərdən biri də istehsalat fəaliyyəti nəticəsində formalaşan xüsusi tullantıların idarə olunması və utilizasiyasıdır. Bu məqsədlə, beynəlxalq standartlara uyğun və ətraf mühitə zərər vermədən QSC-nin istehsalat sahələrində yığılmış xüsusi tullantıların utilizasiyası vaxtaşırı olaraq həyata keçirilir.
QSC-nin istehsalat sahələrində formalaşan xüsusi tullantılara istifadəsi başa çatmış avtomobil şinləri, akkumulyatorlar, lümünisses lampalar, məişət elektrik cihazları, katriclər, printerlər, faks aparatı üçün lentlər və s. daxildir.
Azərbaycan Respublikası Dövlət Neft Şirkətinin 02.04.2010-cu il tarixli, 45 saylı əmri ilə təsdiq edilmiş “Tullantıların İdarə Olunması Planı”nın icrası ilə əlaqədar, hazırda utilizasiya məqsədilə ötən ildə də QSC-nin istehsalat sahələrində formalaşmış xüsusi tullantılar ARDNŞ-nin Ekologiya İdarəsinin Qaradağ rayonu ərazisində yerləşən Tullantılar Mərkəzinə təhvil verilmışdir.
Tullantıların idarə olunması (anbarlaşdırılması, xüsusi konteynerlər və nəqliyyat vasitələri ilə daşınması) İSO beynəlxalq standartlarının tələblərinə uyğun olaraq həyata keçirilmişdir.
tarix : 17.02.2015
|