"Ekol Mühəndislik Xidmətləri" QSC öz fəaliyyətini beynəlxalq standartlara uyğunlaşdırmaqla yanaşı, bu standartların tələblərinə əməl olunması məqsədilə davamlı və zəruri tədbirlər həyata keçirir. Bu tədbirlər çərçivəsində TS EN İSO 9001 Keyfiyyətin idarəetmə sisteminin, TS EN İSO 14001 Ekologiya idarəetmə sisteminin və TS İSO 18001 OHSAS Əməyin mühafizəsi və təhlükəsizliyi idarəetmə sisteminin müvafiq maddələrinin tələblərinə uyğunluğun müəyyən edilməsi məqsədilə, QSC-nin baş direktorunun təsdiq etdiyi qrafikə əsasən fevralın 3-dən başlayaraq struktur bölmələrində növbəti daxili auditin keçirilməsinə start verilmişdir.
İdarəetmə sisteminin mövcud qanunvericiliyinə, daxili qaydalara və idarəetmə prinsiplərinə, keyfiyyət, ekologiya, təhlükəsizlik norma və qaydalarına uyğunluğunun və səmərəliliyinin müstəqil yoxlama sistemi olan daxili audit, "Daxili audit" prosedurasının tələblərinə əsasən həyata keçirilir.
Daxili auditin keçirilməsinə QSC-nin auditor sertifikatı olan təcrübəli mütəxəssisləri cəlb edilmişdir. Proqrama uyğun, obyektiv faktlara əsaslanaraq keçirilən audit zamanı müvafiq sənədləşmələr aparılır və aşkar edilmiş uyğunsuzluqların qısa zamanda aradan qaldırılması məqsədilə müvafiq proseduralar tövsiyə edilir.
Qrafikə əsasən QSC-nin bütün struktur bölmələri əhatə edilməklə keçirilən daxili audit mart ayının 17-dək davam edəcəyi nəzərdə tutulur. Sonda hər bir bölmə üzrə auditin yekun hesabatı hazırlanaraq QSC-nin rəhbərliyinə təqdim olunacaqdır.
tarix : 19.02.2015
|