“Ekol Mühəndislik Xidmətləri” QSC öz fəaliyyətində işçi personalının sağlamlığının və təhlükəsizliyinin təmin edilməsinə xüsusi diqqət yetirir və davamlı olaraq bu istiqamətdə məqsədyönlü tədbirlər həyata keçirir.
Beynəlxalq təcrübədən yararlanaraq, həmçinin OHSAS 18001 standartlarının tələblərinə əməl edilərək ötən illərdə və 2015-ci ilin müvafiq dövründə QSC-nin fəaliyyət sahələrində sağlam və təhlükəsiz əmək şəraitinin yaradılması, bədbəxt hadisələrin və qəzaların qarşısının alınması, əmək şəraitinin davamlı olaraq yaxşılaşdırılması sahəsində zəruri tədbirlər görülmüşdür. Məhz bu tədbirlərin nəticəsidir ki, QSC-nin fəaliyyət sahələrində heç bir bədbəxt hadisə və qəza halları baş verməmişdir. Təhlükəsiz əmək şəraitinin yaradılması, bədbəxt hadisələrin və qəzaların qarşısının alınması məqsədilə, QSC-nin bütün fəaliyyət sahələri lazımı təlimatlarla, izahedici və xəbərdaredici plakatlarla, eləcə də, yanğın təhlükəsizliyi üçün zəruri vasitələrlə təmin edilmişdir. Texniki təhlükəsizlik şöbəsi vaxtaşırı olaraq xidmət sahələrində monitorinqlər aparmış, müəssisədə çalışan işçilərə mütəmadi olaraq təlimatlar və treninqlər keçmişdir. QSC-nin bütün xidmət sahələrində, əməyin mühafizəsinə nəzarət gücləndirilmiş və yeni nəzarət sistemi yaradılmışdır. İşçilərin mövsümə uyğun fərdi mühafizə vasitələri və xüsusi geyimlərlə təmin edilməsi məsələləri operativ olaraq həll olunmuşdur. İnsanların və dövlət əmlakının yanğından mühafizəsinin təmin edilməsi məqsədilə sahələr bütün zəruri avadanlıqlarla təchiz edilmişdir. QSC-nin Tullantıların emalı departamentinin xidmət sahələrində yanğından mühafizə sistemləri yenidən qurulmuşdur. “Ekol Mühəndislik Xidmətləri” QSC-nin fəaliyyət sahələrində sağlam və təhlükəsiz əmək şəraitinin davamlı təmin olunması istiqamətində tədbirlər davam etdirilir.
tarix : 20.02.2015
|