Odur ki, QSC-nin xidmət sahələrində fasiləsizliyin təmin edilməsi, qurğu və avadanlıqların istismar müddətinin artırılması, həmçinin texnoloji proseslərin ətraf  mühitə mənfi  təsirinin azaldılması  məqsədi ilə  ardıcıl tədbirlər həyata keçirilir.
       Cari ildə də bu tədbirlər davam etdirilir. Xüsusilə Tullantıların Emalı  Departamentinin (TED) xidmət sahələrində sənaye-çirkab, axıntı sularının təmizlənməsi, eləcə də neftşlamın emalı və zərərsizləşdirilməsində istifadə olunan dekantor, trikantor və mexaniki təmizləyici qurğularda vaxtaşırı profilaktiki və əsaslı təmir işləri yerinə yetirilir. Zəruri hallarda nasaz nasoslar və ehtiyat hissələri yenisi ilə əvəz edilir. Bu işlər TRD-nin və Elektromexanika sexinin mütəxəssisləri  tərəfindən həyata keçirilir.
     Bununla yanaşı, qurğuların tam gücü ilə istismar olunması və səmərəliliyin artırılması məqsədilə, dekantor qurğusunun istehsalçısı İsveçin "Alfa-Laval" və trikantor qurğusunun istehsalçısı İtaliyanın “Pieralisi” şirkətlərinin mütəxəssisləri vaxtaşırı olaraq dəvət edilərək, məsləhətləşmələr aparılır və texniki dəstək göstərilir. Bu günlərdə də italiyalı mütəxəssislər QSC-də olmuş və separator qurğusunda olan nasazlıq aradan qaldırılaraq istismara verilmişdir.
      QSC-nin xidmət sahələrində istismarda olan qurğu və avadanlıqların fasiləsiz və məhsuldar istismarı istiqamətində tədbirlər davam etdirilir.