|
Bu gün Azərbaycan tarixində öz faciəsi, fəlakəti və qüssəsinin böyüklüyü ilə yadda qalan "31 mart- Azərbaycanlıların Soyqırımı Günü"dür . Azərbaycan Respublikasının Prezidenti, ulu öndər Heydər Əliyevin 26 mart 1998-ci il tarixli fərmanı ilə "31 mart-Azərbaycanlıların Soyqırımı Günü" elan edilmiş və həmin ildən başlayaraq, hər il bu unudulmaz tarixi gün dövlət səviyyəsində qeyd edilir. "Ekol Mühəndislik Xidmətləri" QSC-də də hər il bu tarixi gün münasibəti ilə tədbirlər keçirilir və faciə qurbanlarının əziz xatirəsi ehtiramla yad edilir. Bu il də “31mart-Azərbaycanlıların Soyqırımı Günü” ilə əlaqədar QSC-də tədbir keçirilmişdir.
Tədbirdə çıxış edənlər erməni millətçilərinin şovinist siyasətini və xalqımıza qarşı törətdikləri vəhşilikləri hiddətlə pisləmişlər. Qeyd olunmuşdur ki, tarixin hələ tam açılmamış səhifələrindən biri olan bu soyqırımı hadisəsi xalqımıza qarşı dəfələrlə törədilmiş kütləvi qətl kimi qiymətləndirilməlidir. Tarixi faktlar təsdiq edir ki, son iki əsrdə azərbaycanlılara qarşı məqsədyönlü şəkildə həyata keçirilmiş bu soyqırımı siyasəti nəticəsində soydaşlarımız öz doğma yurdlarından didərgin salınmışlar.
Natiqlər qeyd etmişlər ki, ötən əsrin əvvəllərindən başlayaraq ermənilərin azərbaycanlılara qarşı həyata keçirdikləri aramsız soyqırımı və deportasiya siyasəti 1918-1920-ci illərdə xüsusilə genişlənmiş və onların Azərbaycan xalqını yer üzündən tam silmək kimi iyrənc niyyətlərini bütün çılpaqlığı ilə üzə çıxarmışdır. Həmin illərdə ermənilərin Azərbaycanda törətdikləri milli qırğın haqqında bizə çatan tarixi sənədlərdəki faktlar Şamaxıda, Qubada, Muğanda, Zəngəzur qəzasında, Qarabağda, Irəvan quberniyasında və ölkənin digər ərazilərində on minlərlə azərbaycanlıların amansızlıqla qətlə yetirildiyini, şəhər və kəndlərin talan edilərək dağıdıldığını sübut edir.
Xüsusilə vurğulanmışdır ki, 1918-ci ilin yazında daşnak-bolşevik birləşmələrinin türk müsəlman əhalisinə qarşı törətdikləri vəhşiliklər istər hüquqi, istərsə də siyasi baxımdan soyqırımı kimi qiymətləndirilməlidir. Azərbaycanlıların soyqırımı 1918-ci ildə Bakıda və Azərbaycanın digər bölgələrində ermənilərin törətdikləri qırğınlardan bir əsrə yaxın vaxt keçməsinə baxmayaraq, bu vəhşiliklər xalqın qan yaddaşında əbədi iz buraxmışdır. Bu tarixi hadisələri və onların dərslərini unutmamaq, gənc nəsli vətənpərvərlik və mübarizlik ruhunda tərbiyə etmək isə hər bir azərbaycanlının müqəddəs borcudur.
Tədbirdə soyqırımı qurbanlarının əziz xatirələri bir dəqiqəlik sükutla yad olunmuş, faciəni əks etdirən video çarx nümayiş edilmişdir.
tarix : 31.03.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
