Xidmətlərimiz
|
|
|
|
“Ekol Mühəndislik Xidmətləri” QSC-də iməcilik keçirilmişdir
|
Azərbaycan Respublikası Dövlət Neft Şirkətinin "Ətraf mühitin mühafizəsi üzrə 2015-cü ilin Tədbirlər Planı"na uyğun olaraq, yaz mövsümi ilə əlaqədar Şirkətin bütün fəaliyyət sahələrində iməciliklərin keçirilməsinə başlanmışdır.
Aprelin 4-də ARDNŞ- in təşkilatçılığı ilə “Ekol Mühəndislik Xidmətləri” QSC-nin xidmət göstərdiyi “Azneft” İB-nin “BibiHeybətneft” NQÇİ-nin mədən ərazisindəki yaşıllıq sahəsində şirkətin rəhbərliyinin və çoxsaylı kollektivinin nümayəndələrinin iştirakı ilə iməcilik keçirilmişdir. İməcilikdə ARDNŞ-in prezidenti Rövnəq Abdullayev də iştirak etmişdir. Bu tədbirlər “BibiHeybətneft” NQÇİ-nin mədən ərazisində 2700 ədədə qədər müxtəlif növ ağac əkilmişdir. “Ekol Mühəndislik Xidmətləri” QSC- də iməcilikdə fəal iştirak etmişdir. Bununla yanaşı, aprelin 4-də “Ekol Mühəndislik Xidmətləri” QSC-nin bütün xidmət sahələri də əhatə olunmaqla iməciliklər keçirilmiş, abadlıq və təmizlik işləri aparılmış, sahələr alaq otlarından təmizlənmiş və tullantılar ərazidən kənarlaşdırılmışdır. Eyni zamanda, QSC-nin Torpaqların Rekultivasiyası Departamentinin əməkçiləri “Azneft” İstehsalat Birliyinin neftqazçıxarma idarələrinin mədən ərazilərində xidmət etdikləri yaşıllıq sahələrinə aqrotexniki xidmətlər göstərmişlər. Yaz mövsümi ilə əlaqədar, “Ekol Mühəndislik Xidmətləri” QSC-nin xidmət sahələrində iməciliklərin aprel ayının növbəti şənbə günlərində də keçirilməsi nəzərdə tutulmuşdur.
tarix : 04.04.2015
|
|
|
|
|
|
|