|
Yazın gəlişi ilə əlaqədar olaraq, respublikamızın yaşıllaşdırma və bağçılıq təsərrüfatlarında mövsümi işlərə başlanmışdır. Baharın gəlişi ilə torpağın oyanması bağ - bağçalarda və yaşıllıq sahələrində bir canlanma yaradıb. İndi bütün bağçılıq təsərrüfatlarında ağacların budanması, yeni ağacların əkilməsi və sahələrdə abadlıq işlərinin aparılması istiqamətində müvafiq tədbirlər görülür.
"Ekol Mühəndislik Xidmətləri" QSC-nin xidmət göstərdiyi yaşıllaşdırma sahələrində də yaz mövsümü işləri geniş vüsət almışdır. Hazırda QSC-nin Torpaqların Rekultivasiyası Departamentinin (TRD) xidmət sahələrində ağacların diblərinin boşaldılması, suvarılması və gübrələrlə təmin edilməsi, həmçinin bərpa işlərinin aparılması istiqamətində zəruri aqrotexniki tədbirlər həyata keçirilir. TRD-nin istixanasında da mövsümə hazırlıq işləri başa çatdırılmış, bu yaz mövsümündə sahələrin bərpası məqsədilə minlərlə ağac və gül kollarının tingləri hazırlanmışdır. Bitkilərin il ərzində optimal suvarılması, mühafizə edilməsi və gübrə ilə təmin olunması məqsədilə bütün qabaqlayıcı tədbirlər görülmüşdür.
Mövsümü tədbirlər çərçivəsində aprelin 4-də ARDNŞ-nin təşkilatçılığı ilə keçirilən iməcilikdə, QSC-nin xidmət göstərdiyi "BibiHeybətneft" NQÇİ-nin mədən ərazisindəki yaşıllıq sahəsinə 2 min 700 ədəd müxtəlif növ ağac əkilmiş və bu tədbirlər davam etməkdədir. Xatırladaq ki, QSC-nin TRD-nin xidmət sahələri ARDNŞ-nin Qaz Emalı Zavodunun ərazisində və "Azneft" İB-nin "Abşeronneft", "BibiHeybətneft" və H.Z.Tağıyev adına (Qala sahəsi) neftqazçıxarma idarələrinin reabilitasiya olunmuş mədən ərazilərində 74 min 151 ədəd müxtəlif ağac növlərinə və bəzək kollarına aqrotexniki xidmətlər göstərir.
“Ekol Mühəndislik Xidmətləri” QSC-nin digər yaşıllıq sahələrində də yaz mövsümü işlərinə start verilmişdir. Hazırda QSC-nin TRD-nin inzibati binasının ərazisində (Zığ qəsəbəsi, Hovsan yolu ünvanında yerləşən), həmçinin O.Vəliyev 1 ünvandakı yaşıllıq sahələrində mövsümü işlər yüksək templə davam etdirilir. Bununla əlaqədar olaraq, zəruri təsərrüfat işləri görülür, ağaclar budanır, yeni ağaclar əkilir və sahələr abadlaşdırılır.
QSC-nin Torpaqların Rekultivasiyası Departamentinin xidmət göstərdiyi yaşıllıq sahələrində yaz mövsümi işlərinin aqrotexniki qaydalara uyğun və keyfiyyətlə yerinə yetirilməsi istiqamətində tədbirlər davam etdirilir.
tarix : 17.04.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
