"Ekol Mühəndislik Xidmətləri" QSC məişət-fekal, sənaye-çirkab və lay sularının yüksək səviyyədə təmizlənməsi üçün, müasir texnologiyaların əldə olunması istiqamətində axtarışlarını davam etdirir və bu məqsədlə dünyanın analoji şirkətləri ilə işgüzar görüşlər keçirir. Növbəti görüş isə mayın 5-də, QSC-nin baş ofisində Almaniyanın "Mena Water" şirkətinin icraçı direktoru Atif Gafar ilə olmuşdur. Görüşdə QSC-nin baş direktorun istehsalat üzrə müavini-Texniki direktor Məzahir Hüseynov, SƏTƏM üzrə müavini Rəşad İsmayılov, əlaqədar departament və şöbə rəisləri iştirak etmişlər.
Məzahir Hüseynov qonaqları səmimi salamlayaraq bir gün əvvəl QSC-nin istehsalat sahələrində olduqları zaman onlarda yaranan təəssüratlarla maraqlanmışdır. O, bu görüşün səmərəliliyinə, məişət-fekal, sənaye-çirkab və lay sularının təmizlənməsi sahəsində yeni texnologiyalar barədə maraqlı məlumatların əldə olunacağına əminliyini bildirmişdir. Sonra söz qonağa verilmişdir. "Mena Water" şirkətinin icraçı direktoru səmimi qəbul üçün QSC rəhbərliyinə öz dərin minnətdarlığını bildirmiş və görüş iştirakçılarına rəhbərlik etdiyi şirkətin fəaliyyəti barədə qısa məlumat vermişdir. Atif Gafar qeyd etmişdir ki, sahibi olduğu bu şirkət əsasən məişət-fekal, sənaye-çirkab və lay sularının müxtəlif texnologiyalarla təmizlənməsi ilə məşğuldur. 13 ölkədə nümayəndəliyi və istehsalat sahələri fəaliyyət göstərir. Şirkətdə 170 nəfərə qədər ixtisaslı mütəxəssislər çalışır. Atif Gafar "Mena Water" şirkətinin suların təmizlənməsi texnologiyalarının prezentasiyasını görüş iştirakçılarına nümayiş etdirmiş və onlara ətraflı izahat vermişdir. Sonra mövzu ətrafında geniş müzakirələr aparılmış və sual doğuran məsələlərə aydınlıq gətirilmişdir. Sonda Məzahir Hüseynov maraqlı prezentasiyaya və ətraflı məlumata görə qonağa öz təşəkkürünü bildirmişdir və qərara alınmışdır ki, QSC-nin təmizlədiyi sulardan nümunələr götürülərək "Mena Water" şirkətinin laboratoriyasında təhlillər aparılsın və nəticələrə uyğun olaraq konkret təkliflər hazırlanaraq növbəti görüşdə müzakirəyə çıxarılsın. Bununla da qarşılıqla anlaşma şəraitdə keçən görüş başa çatmışdır.
tarix : 06.05.2015
|