Ulu öndər Heydər Əliyevin anadan olmasının 92-ci ildönümü ilə əlaqədar, respublikamızda həyata keçirilən silsilə tədbirlər çərçivəsində “Ekol Mühəndislik Xidmətləri” QSC-də də bir sıra tədbirlər nəzərdə tutulmuşdur.
Mayın 7-də Həmkarlar İttifaqı Komitəsinin təşkilatçılığı ilə ümummilli liderin 92-ci ildönümü ilə əlaqədar keçirilən nərd turnirinə QSC-nin ayrı-ayrı istehsalat sahələrində çalışan 26 nəfər həvəskar qatılmışlar. Turnirin açılışında çıxış edənlər, QSC-nin baş direktorunun istehsalat üzrə müavini-Texniki direktor Məzahir Hüseynov, baş direktorun SƏTƏM üzrə müavini Rəşad İsmayılov, İctimai sosial şöbənin rəisi - YAP "Ekol" ilk ərazi təşkilatının sədri Fəxrəddin Quliyev və Həmkarlar İttifaqı Komitəsinin sədri Əli Ələkbərov ümummilli lider, müasir Azərbaycanın Respublikasının memarı Heydər Əliyevin həyat və fəaliyyətindən, onun müstəqilliyimizin əldə olunmasında və respublikamızın hərtərəfli inkişafında göstərdiyi misilsiz xidmətlərindən danışmışlar. Sonra HİK-nin sədri Əli Ələkbərov yarışın şərtlərini iştirakçılara izah etmiş və turnirə start verilmişdir. Gərgin mübarizə və şəffaf şəraitdə keçən turnirin final mərhələsində qaliblər müəyyən olunmuşdur. I yerə Texniki təhlükəsizlik şöbəsinin mühəndisi Əjdər Veysov, II yerə İnzibati təsərrüfat şöbəsinin təsərrüfat müdiri Rafiq Alışov, III yerə isə Elektromexanika sexinin qazanxana operatoru Əsəd Şükürov layiq görülmüşlər. Sonda QSC-nin baş direktorunun ümumi işlər üzrə müavini İsrafil Əliyev qalibləri təbrik edərək onlara yeni-yeni qələbələr arzulamış, xüsusi diplom, kubok və pul mükafatlarını onlara təqdim etmişdir.
tarix : 07.05.2015
|