|
Mayın 8-də, QSC-nin baş ofisində Ulu öndərin 92-ci ildönümünə həsr olunmuş anım mərasimi keçirilmişdir. Mərasimdə çıxış edən QSC-nin baş direktoru Ramil Əliyev həyatını xalqına həsr etmiş ümummilli lider Heydər Əliyevin müstəqilliyimizin əldə edilməsi, suverenliyimizin qorunub saxlanılması, respublikamızın iqtisadi qüdrətinin yüksəldilməsi istiqamətində gördüyü işlərdən və onun həyatımızın bütün sahələrindəki fəaliyyətindən danışmışdır.
QSC kollektivinin gənc üzvləri öz çıxışlarında suveren Azərbaycan dövlətinin qurucusu və memarı, fenomen şəxsiyyət Heydər Əliyevin həyat və fəaliyyətindən böyük fərəh hissi ilə danışmışlar. Qeyd olunmuşdur ki, Azərbaycan tarixində xalqının birliyi, dövlətçiliyimizin möhkəmləndirilməsi, ərazi toxunulmazlığımızın təmin edilməsi, insanların rifahının yaxşılaşması uğrunda ardıcıl, məqsədyönlü mübarizə aparan və uğurlu, dayanaqlı nəticələrə nail olan, Azərbaycanının milli qürurunu özünə qaytaran, dövlətimizi öz tükənməz sərvətinin sahibi edən ən müdrik və ən cəsarətli rəhbər ümummilli liderimiz Heydər Əliyev olmuşdur.
Çıxışlarda xüsusilə vurğulanmışdır ki, Heydər Əliyevin siyasi fəaliyyətinin əsas missiyası Azərbaycanı düşdüyü bəlalardan xilas etmək olub. Yalnız onun dərin zəkası Azərbaycanı bir dövlət kimi məhv olmaqdan xilas etdi. Bu gün Azərbaycan Respublikasının Prezidenti İlham Əliyev tərəfindən Ulu öndərin siyasi kursu uğurla davam etdirilir və bu uğurlu siyasət nəticəsində ölkəmiz regionun ən inkişaf etmiş dövlətinə çevrilmişdir. Mərasim iştirakçıları inamla qeyd etmişlər ki, nə qədər ki, müstəqil Azərbaycan dövləti var, Azərbaycan xalqı var Heydər Əliyev ürəklərdə yaşayacaqdır.
Mərasimdə Yeni Azərbaycan Partiyasının yaradıcısı, müasir Azərbaycanın banisi və qurucusu Ulu öndər Heydər Əliyevin siyasi irsinin təbliğ edilməsi, gənclərin Heydər Əliyev ideyaları ruhunda maarifləndirilməsi və onlarda fəal vətəndaşlıq mövqeyinin formalaşdırılması məqsədi ilə, Yeni Azərbaycan Partiyası Nizami rayon təşkilatının nəzdində yaradılmış "Heydər Əliyev irsini öyrənək!" Heydər Əliyev Məktəbinin fəal dinləyicisi olmuş QSC kollektivin bir neçə nəfər gənc üzvünə sertifikatlar təqdim olunmuşdur. Ulu öndərin həyat və fəaliyyətini əks etdirən video çarx da iştirakçılar tərəfindən maraqla izlənilmişdir.
tarix : 08.05.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
