Fövqəladə Hallar Nazirliyinin Mülki Müdafiə Qoşunları MM idarəsinin 2015-ci tədris ili üçün təsdiq etdiyi MM tədbirlər planına müvafiq olaraq, 14 may 2015 -ci il tarixdə "Ekol Mühəndiuslik Xidmətləri" QSC-də " Fövqəladə hadisələrin nəticələrinin aradan qaldırılması zamanı MM orqan və qüvvələrinin idarə olunmasının təşkili" mövzusunda obyekt MM məşqi keçirilmişdir. Məşqə QSC rəhbərliyi, FHK-sı, MM qərərgahı və MM qüvvələrinin şəxsi heyəti cəlb olunmuşlar.
Obyekt MM məşqinin keçirilməsində məqsəd; MM planının reallığının yoxlanılması, fövqəladə hallar zamanı xilasetmə və digər təxirəsalınmaz işləri yerinə yetirərkən rəhbər heyətin qərar qəbul etmək bacarığının təkmilləşdirilməsi və MM qüvvələrinin şəxsi heyətinə fövqəladə hadisələrin nəticələrinin aradan qaldırılması zamanı əməli vərdişlərin öyrədilməsindən ibarət olmuşdur. Məşqin keçirilməsində "Ekol Mühəndislik Xidmətləri" QSC-nin baş direktorunun istehsalat üzrə müavini-Texniki direktor Məzahir Hüseynov, ümumi işlər üzrə müavini İsrafil Əliyev, SƏTƏM üzrə müavini Rəşad İsmayılov, Nizami rayon Fövqəladə Hallar və Mülki Müdafiə şöbəsinin rəisi, polkovnik-leytenant İlqar Abbasov və həmin şöbənin rəisinin baş köməkçisi - kapitan Vüsal Fətullayev iştirak etmişlər. Məşq zamanı Mülki Müdafiə qüvvələri; Rabitə-xəbərdarlıq, Mühəndis- kəşfiyyat, Xilasetmə və s. manqalar hazır vəziyyətə gətirilmiş, onların təchizatı və hazırlığı nümayiş etdirilmiş, məşq üzrə qarşıya qoyulan vəzifələrə və verilən tapşırıqlara tam əməl olunmuşdur. Sonda İlqar Abbasov obyekt MM məşqinin yüksək səviyyədə keçirilməsinə ğörə QSC rəhbərliyinə və tədbirin təşkilatçılarına öz minnətdarlığını bildirmiş, bu məşqin digər təşkilatlar üçün də örnək ola biləcəyini qeyd etmişdir.
tarix : 14.05.2015
|