Xidmətlərimiz
|
|
|
|
"Ekol Mühəndislik Xidmətləri" QSC-də Birinci Avropa Oyunlarına hazırlıq tədbirlər planı çərçivəsində növbəti iməcilik keçirilmişdir
|
2015-ci ilin iyun ayında Bakıda keçiriləcək Birinci Avropa Oyunları ilə əlaqədar respublikamızda irimiqyaslı tədbirlər davam etdirilir. Bu tədbirlər çərçivəsində "Ekol Mühəndislik Xidmətləri" QSC-nin xidmət sahələrində də məqsədyönlü tədbirlər həyata keçirilir. Hazırda xidmət sahələrinin abadlaşdırılması, yaşıllıq sahələrinin genişləndirilməsi və yaz mövsümü işləri geniş vüsət almışdır.
Bakı şəhərinin cənub giriş qapısı olan BibiHeybət sahəsində də geniş planda işlər yerinə yetirilir. QSC-nin xidmət göstərdiyi "Bibiheybətneft" NQÇİ-nin mədən ərazisindəki yaşıllıq sahəsində isə xüsusi canlanma müşahidə edilir. Mayın 13-də QSC-nin Torpaqların Rekultivasiyası Departamentinin (TRD) əməkçilərinin iştirakı və "Azneft" İstehsalat Birliyinin dəstəyi ilə həmin ərazidən keçən magistiral yolun ətrafında İtaliyadan gətirilmiş yeni şam ağaclarının əkilməsinə start verilmişdir. Qısa müddətdə ərazidə 2 min 500 ədəd belə ağacın əkilməsi nəzərdə tutulmuşdur. Hazırda işlər davam etdirilir. Eyni zamanda bu tədbirlərin davamı olaraq, mayın 16-da “Ekol Mühəndislik Xidmətləri” QSC-də növbəti iməcilik keçirilmişdir. İməcilik QSC-nin kollektivinin çoxsaylı nümayəndələrinin iştirak ilə bütün xidmət sahələrini əhatə etmişdir. İməcilikdə xidmət sahələrindəki yaşıllıqlara mövsümü qulluq göstərilmiş, ərazilərdə kifayət qədər təmizlik və abadlıq işləri yerinə yetirilmişdir. Təmizləyici qurğuların ətrafındakı sahələr alaq otlarından təmizlənmiş və tullantılar sahələrdən kənarlaşdırılmışdır.
tarix : 16.05.2015
|
|
|
|
|
|
|