"Ekol Mühəndislik Xidmətləri" QSC-nin fəaliyyət sahələrində texniki təhlükəsizliyin və yanğından mühafizənin təmin edilməsi, təhlükəsiz əmək şəraitinin yaradılması və bu işlərin OHSAS - 18001 beynəlxalq standartlarının tələbləri səviyyəsində təşkil etmək istiqamətində davamlı tədbirlər həyata keçirilir. Bu məqsədlə QSC-nin xidmət sahələri müasir texniki təhlükəsizlik və yanğından mühafizə vasitələri, təlimatlar və müvafiq ədəbiyyatlarla təchiz edilmiş, işçilər xüsusi geyimlər və tibbi yardım ləvazimatları ilə təmin olunmuşlar.
QSC-nin Texniki təhlükəsizlik şöbəsi tərəfindən texniki təhlükəsizliyin illik tədris proqramına uyğun olaraq işçi personala vaxtaşırı təlimlər və məşqlər keçirilir, təyin olunmuş vaxtlarda onların bilik səviyyələri yoxlanılır və geniş izahat işləri aparılır. Həyata keçirilən təhlükəsizlik tədbirləri çərçivəsində, "Ekol Mühəndislik Xidmətləri" QSC-nin baş direktorunun 05 may 2015-ci il tarixli, 01/S saylı sərəncamı ilə iyunun 1-dən 6-dək müəssisədə çalışan fəhlə və sürücülərin növbəti dəfə əməyin mühafizəsi və təhlükəsizlik texnikası üzrə biliklərinin yoxlanılması imtahanının keçirilməsinə qərar verilmişdir. İmtahan "Fəhlə və sürücülərin əməyin mühafizəsi və texniki təhlükəsizlik qaydaları üzrə təlimatlandırılması, öyrədilməsi və biliklərinin yoxlanılması qaydaları haqqında" təlimata uyğun olaraq keçirilməsi planlaşdırılmışdır. İmtahanın daha şəffaf, daha səmərəli keçməsi və gələcək hədəflərin müəyyən edilməsi üçün Texniki təhlükəsizlik şöbəsi tərəfindən bütün tədbirlər görülmüş, sual və cavablar hazırlanaraq əvvəlcədən struktur bölmələrinə çatdırılmışdır. QSC-də texniki təhlükəsizlik işlərinin beynəlxalq standartlar səviyyəsində qurulması istiqamətində işlər davam etdirilir.
tarix : 25.05.2015
|