Xidmətlərimiz
|
|
|
|
5 iyun – "Ümumdünya Ətraf Mühit Günü" münasibəti ilə “Ekol Mühəndislik Xidmətləri” QSC – də müxtəlif tədbirlər keçirilmişdir.
|
XX əsrin ortalarında, sənayenin sürətli inkişafı nəticəsində ətraf mühitə edilən təsirlər öz mənfi nəticələrini büruzə verməyə başlamışdı. Bu baxımdan Birləşmiş Millətlər Təşkilatının Baş Assambleyasının 1972-ci il 5 iyun tarixində Stokholm şəhərində keçirilən iclasında ətraf mühit məsələləri diqqət mərkəzində olmuşdur. İştirakçılar problemin kəskinliyini nəzərə alaraq, bütün diqqətin ətraf mühitin mühafizəsi problemlərinə yönəldilməsini vacib bilərək, 5 iyunun Ümumdünya Ətraf Mühit Günü kimi qeyd olunmasına qərar verib və növbəti ildən başlayaraq həmin gün bütün dünyada təntənəli şəkildə qeyd olunmağa başlanıb.
Bu tədbir Azərbaycanda da ekoloji problemlərə verilən önəmi bir daha ortaya qoydu.
"Ekol Mühəndislik Xidmətləri" QSC bu gün münasibəti ilə hər il müxtəlif tədbirlər keçirir. Bu baxımdan, "Ekol Mühəndislik Xidmətləri" QSC-nin baş ofisində və istehsalat sahələrində toplantılar keçirilmişdir. Əlamətdar gün münasibətilə keçirilən toplantıda QSC-nin rəhbərliyi və mütəxəssis heyyəti iştirak etmişdir. Tədbirdə çıxış edən natiqlər "Ümumdünya Ətraf Mühit Günü"-nün yaranma tarixi və əhəmiyyəti, Azərbaycan Respublikasında ətraf mühitin mühafizəsi sahəsində görülən işlər mövzusunda ətraflı məruzələr etmişdir.
Toplantıda "Ekol Mühəndislik Xidmətləri" QSC –nin 4 nəfər işçisi ətraf mühitin mühafizəsi sahəsində səmərəli faəiyyətlərinə görə Fəxri Fərmanla mükafatlandırıldı. Həmçinin EMD-nin ekoloqu Ceyhun Əsgərovun təkrar emala gedən tullantılardan hazırlamış olduğu müxtəlif əl işləri nümayiş etdirildi və bu böyük marağa səbəb oldu.
Toplantıda digər çıxış edənlər də, ətraf mühitin mühafizəsi istiqamətində atılan hər bir addımın planetimizin ümumi ekoloji vəziyyətinin yaxşılaşdırılmasına və gələcək nəslin ekoloji böhrandan xilas olunmasına xidmət etdiyini və bu sahədə ardıcıl tədbirlərin görülməsinin hər bir kəsin vətəndaşlıq borcu olduğunu xüsusilə vurğuladılar.
tarix : 05.06.2015
|
|
|
|
|
|
|