|
Milli Qurtuluş Günü kimi tariximizə daxil olmuş15 iyun , Azərbaycanın ağrılı acılı günlərini yaşayan hər bir insan üçün əsl qurtuluş tarixidir. Bu tarixi yaradan isə Azərbaycanın gələcəyində, inkişafında, müstəqilliyində müstəsna rol oynayan ümummilli liderimiz Heydər Əliyev olmuşdur.
Heydər Əliyevin 1993-cü ildə Azərbaycan rəhbərliyinə qətiyyətli qayıdışı xalqa ruh yüksəkliyi gətirdi, inamımızı özümüzə qaytardı, sabitlik və əmin-amanlıq yaratdı. Heydər Əliyev Azərbaycanda vətəndaş birliyinin yaranmasına nail oldu. Bu birliyin yaranması isə böyük azərbaycançılıq ideyasının təməlinin qoyulmasına xidmət edirdi. Beləliklə, ölkənin ictimai-siyasi, sosial, iqtisadi, elmi-mədəni həyatında, beynəlxalq əlaqələrdə dönüş yarandı və elmi əsaslara, beynəlxalq norma və prinsiplərə uyğun müstəqil dövlət quruculuğu prosesi başlandı. Heydər Əliyevin Azərbaycana rəhbərlik etdiyi dövrdə milli-mənəvi dəyərlərimiz bərpa edilmiş , apardığı uğurlu daxili və xarici siyasət sayəsində ölkəmiz düşdüyü qeyri-sabitlikdən xilas olmuş, demokratik inkişaf yolu ilə inamla irəliləyərək böyük nailiyyətlər qazanmışdır. Heydər Əliyevin müstəqil, tarazlı və cəsarətli siyasətini bu gün onun layiqli davamçısı, Azərbaycanı günü-gündən gücləndirən prezident İlham Əliyev davam etdirir.
"Ekol Mühəndislik Xidmətləri" QSC-də rəhbərliyin və kollektivin iştirakı ilə bu günə həsr olunmuş tədbir keçirilmişdir. Tədbirdə QSC-nin baş direktoru Ramil Əliyev və digər natiqlər Milli Qurtuluş gününün şanlı tarixindən, Heydər Əliyevin gərgin zəhmət, əzm və siyasi iradə sayəsində reallaşdırdığı nəhəng işlərin miqyasından və misilsiz xidmətlərindən danışmışlar. Çıxışlardan sonra ümummilli Lider Heydər Əliyevin əziz xatirəsi bir dəqiqəlik sükutla yad edilmişdir. Sonda Milli Qurtuluş gününü əks etdirən video çarxların nümayişi tədbir iştirakçıları tərəfindən maraqla izlənilmişdir.
tarix : 11.06.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
