Xidmətlərimiz
|
|
|
|
"Ekol Mühəndislik Xidmətləri" QSC-də NANOPROTECH şirkətinin ACP GROUP nümayəndələri ilə görüş keçirilmişdir.
|
"Ekol Mühəndislik Xidmətləri" QSC-də nanotexnologiyaların əldə olunması məqsədilə növbəti görüş keçirilmişdir. Bu görüş iyunun 17-də QSC-nin baş ofisində NANOPROTECH şirkətinin ACP GROUP nümayəndələri ilə keçirilmişdir.
Görüşdə QSC-nin Baş direktorunun ümumi işlər üzrə müavini Əliyev İsrafil, Ekoloji Monitorinq Departamentinin rəisi Albuşov Şahabiddin və digərləri iştirak etmişlər. Əliyev İsrafil qonaqları salamlayaraq, QSC haqqında görüş iştirakçılarına məlumat vermişdir. Sonra o, prezentasiyanı keçirmək üçün sözü NANOPROTECH şirkətinin ACP GROUP direktoru Emin Quliyev və marketinq üzrə meneceri Emil Vəliyevə vermişdir. Şirkətin nümayəndələri təmsil etdiyi şirkətin fəaliyyəti, həyata keçirdiyi layihələr və əməkdaşlıq əlaqələri barədə görüş iştirakçılarına məlumat vermiş, elektron məlumatları onların diqqətinə çatdırmışdır. Məlum olmuşdur ki, şirkətin nəm və korroziyaya qarşı istehsal etdiyi yeni məhsul Rusiyanın 50-dən çox regionlarında və digər ölkələrdə tətbiq olunur. NANOPROTECH şirkətinin məhsulları çoxsaylı sınaqlar əsasında öz keyfiyyətini sübut etmişdir. Sonra mövzu ətrafında geniş müzakirələr aparılaraq bir sıra məsələlərə aydınlıq gətirilmiş və bu texnologiyaların "Ekol Mühəndislik Xidmətləri" QSC-nin fəaliyyət sahələrinə tətbiq edilməsinin mümkün variantları barədə fikirlər söylənilmişdir. QSC-nin nümayəndələri maraqlı məlumatlara və təklifə görə NANOPROTECH şirkətinin nümayəndələrinə təşəkkürünü bildirərək qeyd etdilər ki, təklif olunan məhsulların QSC-nin xidmət sahələrinə tətbiq olunması üçün öncə araşdırmalar aparılmalı və konkret nəticələr əldə edilməlidir. Yalnız bundan sonra əməkdaşlıq əlaqələrinin mümkün variantlarını müzakirə etmək olar. NANOPROTECH şirkətinin nümayəndələri ilə görüş qarşılıqlı anlaşma şəraitində başa çatmışdır.
tarix : 18.06.2015
|
|
|
|
|
|
|