Xidmətlərimiz
|
|
|
|
"Ekol Mühəndislik Xidmətləri" QSC neftşlamın ətraf mühitə təsirinin qarşısını almaq üçün zəruri tədbirlər həyata keçirir
|
“Ekol Mühəndislik Xidmətləri” QSC-nin əsas fəaliyyət sahələrindən biri də Heydər Əliyev adına NEZ-nun 9-cu sexinin ərazisində texnoloji proseslər nəticəsində formalaşan sənaye-çirkab sularının təmizlənməsidir. Sənaye-çirkab sularının müasir üsullarla və qəbul edilmiş normalara uyğun təmizlənməsi üçün QSC-də davamlı olaraq zəruri tədbirlər həyata keçirilir. QSC-nin Tullantıların Emalı Departamenti (TED) hər ay neft emalı zavodundan təmizləyici qurğulara daxil olan 2 milyon m3-ə qədər sənaye-çirkab sularını norma həddinə qədər təmizləyərək NEZ-nun təkrar istifadəsinə verir.
Vaxtaşırı olaraq mexaniki təmizləmə qurğularının ayrı-ayrı hissələri çöküntülərdən təmizlənir və profilaktiki təmir işləri yerinə yetirilir. Heydər Əliyev adına NEZ-nun istehsalat sahələrində neftşlam İsveçin “Alfa-Laval” şirkətinin dekantor qurğuları ilə emal edilərək zərərsizləşdirilir. Neftşlamın zərərsizləşdirilməsinin və tərkibindəki komponentlərin təkrar istifadəsinin aktuallığını nəzərə alaraq, "Ekol Mühəndislik Xidmətləri" QSC "Sifarişçi" təşkilatlarının istehsalat sahələrində yığılıb qalmış və sənaye-çirkab sularının təmizlənməsi prosesində formalaşmış neftşlamın yeni texnika və texnologiyalarla emalı və zərərsizləşdirilməsini həyata keçirir. Bununla yanaşı, QSC-də neftşlamın zərərsizləşdirilməsinin digər üsulları da araşdırılır və bioloji, kimyəvi maddələrin təsiri ilə neft məhsullarının sudan və mexaniki qarışıqlardan daha da səmərəli ayrılması istiqamətində işlər aparılır. Təmizləyici qurğuların çöküntülərdən təmizlənməsi və profilaktiki təmir işləri dövrü olaraq Heydər Əliyev adına NEZ-nun 9- cu sexi ərazisində həyata keçirilir.
tarix : 03.07.2015
|
|
|
|
|
|
|