|
Azərbaycan öz dövlət müstəqilliyini bərpa etdikdən sonra, Ramazan bayramı ölkəmizdə Milli Məclisin qəbul etdiyi 1992-ci il 27 oktyabr tarixli “Azərbaycan Respublikasının bayramları haqqında” Qanununa əsasən dövlət səviyyəsində qeyd olunmağa başlanmışdır.
Ramazan ayı dinimizcə ən fəzilətli və müqəddəs bir aydır. Bu ay insanlara Allahı sevməyi öyrədir, onlara öz iradəsini, dözümünü yoxlamaq imkanı verir, insanları gözüaçıq, təmiz vicdanlı olmağa yönəldir və bunlar orucla ifadə olunur.
Bütün müsəlman dünyasının, eləcə də xalqımızın ən əziz bayramlarından biri olan, ayların sultanı “Ramazan” ayı başa çatır. İyulun 17 və 18-i Ramazan bayramı dünya müsəlmanları tərəfindən böyük sevinc və ruh yüksəkliyi ilə qeyd olunur.
Bu müqəddəs bayram “Ekol Mühəndislik Xidmətləri” QSC-də də təntənə ilə qeyd edilmişdir. “Ekol Mühəndislik Xidmətləri” QSC-nin baş direktoru Ramil Əliyev, baş direktorun istehsalat üzrə müavini–Texniki direktor Məzahir Hüseynov, baş direktorun SƏTƏM üzrə müavini Rəşad İsmayılov, İqtisadiyyat və Uçot İdarəsinin rəisi Əli Bağış, Həmkarlar İttifaqı Komitəsinin sədri Əli Ələkbərov müəssisədə bu məqsədlə yığıncaq keçirmiş və oruc tutan işçiləri təbrik edərək, bayram sovqatı paylamışdır. Göstərilən diqqət və qayğıya görə işçilər QSC–nin rəhbərliyinə öz minnətdarlıqlarını bildirmişlər.
tarix : 16.07.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
