|
Ali və orta ixtisas təhsilli tələbələrin müəssisələr üzrə təcrübəsinin keçirilməsi haqqında əsasnamə ilə əlaqədar olaraq ,“Ekol Mühəndislik Xidmətləri” QSC və Azərbaycan Memarlıq və İnşaat Universiteti arasında bağlanmış elmi əməkdaşlıq müqaviləsi əsasında 6 iyul tarixindən etibarən, tələbələrin maarifləndirilməsi məqsədi ilə, “Ekol Mühəndislik Xidmətləri” QSC-nin Tullantıların Emalı Departamentinin 6-cı sahəsində, Heydər Əliyev adına NEZ-dan daxil olan sənaye axıntı sularını təmizləyən təmizləyici qurğuların yerləşdiyi sahədə istehsalat təcrübəsi keçirilir.
İstehsalat təcrübəsində Azərbaycan Memarlıq və İnşaat Universitetinin “ST və MKS” fakultəsinin “Ekologiya mühəndisliyi” ixtisası üzrə 11 nəfərdən ibarət olan III kurs tələbə heyyəti iştirak edir. Təcrübənin əsas məqsədi tələbələrin ali və orta ixtisas məktəblərində aldığı nəzəri bilikləri möhkəmləndirib dərinləşdirmək, ixtisaslarının profil və xüsusiyyətindən asılı olaraq sonrakı əmək fəaliyyətində istifadə etmək, elmi-tədqiqatlarla, yeni texnologiya və iş üsulları ilə tanış olmaqdır.
Ekoloji Monitorinq Departamentinin rəisi, istehsalat-təcrübə rəhbəri Şahabiddin Albuşov tələbələri "Ekol Mühəndislik Xidmətləri" QSC-nin yaranma tarixi, maddi-texniki bazası, əsas fəaliyyət sahələri və həyata keçirdiyi ekoloji layihələr haqqında məlumatlandırmışdır. Sonra onları sənaye-axıntı sularının təmizləyici qurğular və avadanlıqlarda mexaniki, fiziki – kimyəvi üsullarla təmizlənməsi, neftşlamın emalı və zərərsizləşdirilməsi prosesləri, dekantr və trikantr qurğularının iş prinsipi, çirklənmiş torpaqların mexaniki, fiziki, bioloji üsullarla rekultivasiyası və bioremediasiyası, reabilitasiya olunmuş ərazilərdə yaşıllıqların salınması və aqrotexniki xidmətlərin göstərilməsi qaydaları və digər texnoloji qurğuların iş prinsipləri ilə yaxından tanış etmişdir.
İstehsalat təcrübəsi müddətində tələbələr H.Əliyev adına NEZ-nun 9-cu sahəsinin ərazisində fəaliyyət göstərən "Ekol Mühəndislik Xidmətləri" QSC-nin Tullantıların Emalı Departamentinin 6-cı sahəsindəki mexaniki təmizləyici qurğular sistemində təmizləyici qurğularının effektivliyinin müəyyənləşdirilməsi üçün qurğuya daxil olan sənaye axıntı sularının ayrı-ayrı mərhələlərdə iş prinsipini öyrənir, qurğunun çıxışından su nümunələrinin götürülməsi və laboratoriyada suyun fiziki və kimyəvi analizlərinin aparılması ilə bağlı təcrübələr keçirlər. İstehsalat təcrübəsi iyul ayının 19-na qədər davam edəcəkdir.
tarix : 21.07.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
