|
Xidmətlərimiz
|
|
|
|
"Ekol Mühəndislik Xidmətləri" QSC –də Amerikanın OSEİ-Oil Spill Eater İnternational Gorp şirkətinin nümayəndələri ilə görüş keçirilmişdir
|
|
"Ekol Mühəndislik Xidmətləri" QSC-də ətraf mühitin çirklənməsinin qarşısını almaq sahəsində əlverişli üsulların axtarışı və tətbiqi istiqamətində tədbirlər həyata keçirilir. Bu məqsədlə bir çox xarici şirkətlərlə görüşlər keçirilir və əməkdaşlıq əlaqələri yaradılır.
Növbəti görüş "Ekol Mühəndislik Xidmətləri" QSC –nin baş ofisində Amerikanın OSEİ-Oil Spill Eater İnternational Gorp şirkəti ilə keçirilmişdir. Bu görüşdə SOCAR-ın baş idarəsinin , Ekoloiya idarəsinin, Azneft İstehsalat birliyinin nümayəndələri ilə cəmiyyətin rəhbərliyi və mütəxəssisləri iştirak etmişdir.
Baş direktor Ramil Əliyev qonaqları səmimi salamlayaraq onlara "Ekol Mühəndislik Xidmətləri" QSC haqqında qısa məlumat verdikdən sonra söz qonaqlara təqdim olundu.
Görüşdə Oil Spill Eater İnternational Gorp şirkətinin region üzrə meneceri Anar Əliyev neftlə çirklənmiş torpaqların bioremidasiya üsulu ilə təmizlənməsində ətraf mühitə ziyan vurmadan istifadə olunan təhlükəsiz məhsullar barədə geniş təqdimat keçirdi.
Görüş iştirakçıları tərəfindən mövzu ətrafında geniş müzakirələr aparıldı və sual doğuran məsələlərə aydınlıq gətirildi. QSC-nin baş direktoru Ramil Əliyev maraqlı məlumatlara və təklifə görə OSEİ-Oil Spill Eater İnternational Gorp şirkətinin nümayəndələrinə təşəkkürünü bildirdi və eyni zamanda qeyd etdi ki, təklif olunan məhsulların xidmət sahələrinə tətbiq olunması üçün öncə ikitərəfli araşdırmalar aparılmalı və konkret nəticələr əldə edilməlidir.
Qarşılıqlı fikir mübadiləsi əsasında, pilot layihəsinin həyata keçirilməsi barədə razılşma əldə edildi.
tarix : 24.07.2015
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
