|
“Ekol Mühəndislik Xidmətləri” QSC-də 2015-ci il üçün tərtib edilmiş və cəmiyyətin baş direktoru tərəfindən təsdiq edilmiş iş planına uyğun ekoloji yönümlü işlərin həyata keçirilməsində Ekoloji Monitorinq Departamentinin (EMD) xidməti qənaətbəxş olmuşdur.
EMD "Sifarişçi" təşkilatların istehsalat sahələrində ekoloji monitorinq işlərinin aparılması, ekoloji normativ-texniki sənədlərin işlənib hazırlanması və laborator xidmətlərin göstərilməsi işlərini keyfiyyətlə yerinə yetirmişdir.
Yarım il ərzində idarə və müəssisələrdə ekoloji monitorinq işləri aparılmış, fiziki_kimyəvi və kimyəvi təhlillər edilərək laborator xidmətlər göstərilmişdir. SOCAR-ın Kompleks Qazma İşləri
Trestinin Loqistika bölümü, Tamponaj bölümü, Abşeron İstehsalat bölümü (İB), Siyəzən İB, Qaradağ Qalmaz İB, SOCAR-in Qaz Emali Zavodu, “Balakhani Operating Company LTD”-nin Azerbaycan Respublikasindakı filialı, “AzGerneft” Məhdud Məsuliyyətli Cəmiyyətində aparılan monitorinq işləri zamanı başlıca diqqət su əsaslı şlamın atılma texnologiyasına, neft, polimer əsaslı qazma şlamın yığılıb təcrid edilməsi problemlərinə və buruq sularının yığılıb zərərsizləşdirilməsi digər tullantıların idarə edilməsi və ətraf mühitin mühafizəsi, tədbirlərin yerinə yetirilməsi, ekoloji vəziyyətin yaxşılaşdırılması,konkret təkliflərin üzərində cəmləşdirilmişdir.
Ötən yarımillikdə EMD-nin Kompleks Tədqiqatlar Laboratoriyası da məqsədyönlü fəaliyyət göstərmişdir. QSC-nin istehsalat sahələrində istismarda olan qurğulardan mütəmadi olaraq götürülmüş nümunələrdə fiziki-kimyəvi və kimyəvi təhlillər aparılmış, texnoloji proseslərin təkmilləşdirilməsi üçün konkret təkliflər verilmişdir. KTL-da birinci rüb ərzində SNF Floerger, Nalço Campion şirkətləri ilə sənaye axıntı sularının təmizlənməsi və neftşlamın zərərsizləşdirilməsi üzrə AKKİM şirkəti ilə birgə sınaqlar aparılaraq, götürülmüş nümunələrdə kimyəvi təhlillər aparılmışdır. 2015-ci ilin altı ayı ərzində götürülmüş 997 nümunə üzərində 3329 təhlil aparılmışdır. KTL-dakı ölçmə vasitələrinin və sınaq avadanlıqlarının dövlət yoxlamasından keçirilməsi barədə fevral ayında Azərbaycan Respublikasını Standartlaşma, Metrologiya və Patent üzrə Dövlət Komitəsinin AzTest mərkəzi ilə bağlanmış müqavilə əsasında işlər həyata keçirilmişdir.
2015-cı ilin I yarısında QSC-də İnteqrə edilmiş menecment sistemlərinin daxili auditi keçirilmişdir. Audit zamanı aşkar edilmiş uyğunsuzluqlar barəsində düzəldici tədbirlər müəyyən edilmiş, uyğunsuzluqların aradan qaldırılmasının izlənməsi təmin edilmişdir.
Ekoloji Monitorinq Departamenti sifarişçilərə ekoloji xidmətlərin göstərilməsi istiqamətində fəaliyyətini səylə davam etdirir.
tarix : 30.07.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
