Əvvəlki illərdə olduğu kimi 2015-ci ilin I yarısında da Tullantıların Emalı Departamenti (TED) QSC-nin tullantıların idarəolunması sahəsində "Sifarişçi" təşkilatlarla olan müqavilə öhdəliklərinə layiqincə əməl etmişdir. I yarımillikdə TED-nin 6-cı sahəsində (Heydər Əliyev adına NEZ-nun 9-cu sahəsi) NEZ-dan mexaniki təmizləyici qurğulara daxil olan 4 milyon 482 min m3-ə qədər sənaye çirkab, axıntı suları təmizlənmiş və texnoloji proseslər nəticəsində formalaşan 6 min 346 tona qədər neftşlam müasir qurğular vasitəsilə emal edilərək zərərsizləşdirilmişdir. TED-nin 4-cü sahəsində isə ( Heydər Əliyev adına NEZ-nun 9 saylı sahəsi) 2 milyon 691 min m3-dən çox sənaye çirkab suları təmizlənmiş, 4 min 440 ton neftşlam emal olunaraq zərərsizləşdirilmişdir. Altı ay ərzində "AAS-EKOL" MMC-dən TED-nin 3-cü sahəsinə (Parafin sexinə) daxil olan 57 tona qədər ərsin parafini sudan və mexaniki qarışıqlardan ayrılmışdır.
2015-ci ilin müvafiq dövründə QSC-nin "Sifarişçi" təşkilatları olan FHN-nin Qəzaxilasetmə xidməti, "Azərbaycan Xəzər Dəniz Gəmiçilik" QSC-nin Dəniz Neft Donanması, “AA service”, “AAS- ATE” MMC, “Suraxanı OYL Opereyşn Kompani S.A.” Şirkətinin Azərbaycan Respublikasındakı nümayəndəliyi, SOCAR-ın Ekologiya və Neft Kəmərləri idarələri, Qaz emalı zavodu, “AAS- Ekol” MMC və digər təşkilatlardan qəbul edilmiş 28 min 949 ton/m3-dən çox müxtəlif növ tullantılar (şlam, neftşlam, yağlı su və torpaq, məişət-təsərrüfat çirkab, axıntı suları, neftli-yağlı və mexaniki qarışıqlı tullantılar və s.) TED tərəfindən texnoloji reqlamentə uyğun təmizlənərək zərərsizləşdirilmişdir.
2015-ci ilin I yarısında TED-nin xidmət sahələrində fasiləsizliyinin təmin edilməsi, göstərilən xidmətlərin səviyyəsinin daha da yüksəldilməsi və ətraf mühitin mühafizəsi istiqamətində zəruri tədbirlər həyata keçirilmişdir. Bu məqsədlə, TED-nin xidmət sahələrində istismarda olan mexaniki təmizləyici qurğularda profilaktiki təmir və abadlıq işləri aparılmışdır. İsveçin dekantor qurğusunda əsaslı təmir işləri görülmüşdür. TED tullantıların idarə edilməsi sahəsində qarşıda duran vəzifə öhdəliklərinə yüksək səviyyədə əməl edilməsi istiqamətində məqsədyönlü fəaliyyətini davam etdirir.
tarix : 04.08.2015
|