“Ekol Mühəndislik Xidmətləri” QSC öz fəaliyyətində neft-qaz sənayesi sahələrində xidmət göstərdiyi yaşıllıq sahələrinin genişləndirilməsinə, həmçinin mövcud yaşıllıqlara yüksək səviyyəli aqrotexniki xidmətlərin göstərilməsinə böyük önəm verir və bu istiqamətdə zəruri tədbirlər həyata keçirir.
Hazırda QSC-nin Torpaqların Rekultivasiyası Departamenti SOCAR-ın Qaz Emalı Zavodunun ərazisində, eləcə də "Azneft" İB-nin "BibiHeybətneft", "Abşeronneft" və H. Z. Tağıyev adına NQÇİ-nin mədən ərazilərində 79 min 940 ədəd müxtəlif növ ağac və bəzək kollarına aqrotexniki xidmətlər göstərir. Bununla yanaşı QSC və "Azneft" İB NQÇİ-nin mədən ərazilərində yaşıllıq sahələrinin genişləndirilməsi məqsədilə yeni sahələrdə müxtəlif növ ağacların əkilməsini təmin edir. Mövsümi işlə əlaqədar digər sahələrdə olduğu kimi SOCAR-ın Qaz Emalı Zavodunun ərazisində də zəruri işlər yerinə yetirilir. Hazırda Qaz Emalı Zavodunun ərazisində olan 11 min 877 ədəd müxtəlif növ ağac və bəzək kollarına QSC-nin Torpaqların Rekultivasiyası Departamentinin 2-ci sahəsinin (yaşıllaşdırma üzrə) işçiləri xidmət göstərirlər. Bu ilin yaz, yay mövsümlərində sahələrdəki ağaclara və bəzək kollarına lazım olan qida maddələri, üzvi və mineral gübrələr, su ilə mütəmadi olaraq təmin olunmuş, budanmış, quruyan ağaclar yenisi ilə əvəz olunmuşdur. “Ekol Mühəndislik Xidmətləri” QSC SOCAR-ın Qaz Emalı Zavodunun ərazisində yaşıllıq sahələrinin genişləndirilməsi və yüksək səviyyəli aqrotexniki xidmətlərin göstərilməsi istiqamətində tədbirləri davam etdirir.
tarix : 03.09.2015
|