|
“Ekol Mühəndislik Xidmətləri” QSC-nin Tullantıların Emalı Departamentinin 4-cü sahəsinin kollektivi H. Əliyev adına NEZ-nun (9-cu sahəsi) istehsalat sahələrində ekoloji vəziyyətin yaxşılaşdırılması istiqamətində həyata keçirilən tədbirlər planı çərçivəsində, zavodun ərazisində formalaşan sənaye-çirkab sularının təmizlənməsinə, eləcə də neftşlamın emalına və zərərsizləşdirilməsinə xüsusi diqqət yetirilir. Bu layihələr 2007-ci ildən başlayaraq NEZ-nun 9-cu sahənin ərazisində fəaliyyət göstərən "Ekol Mühəndislik Xidmətləri" QSC-nin Tullantıların Emalı Departamentinin (TED) 4-cü sahəsi tərəfindən uğurla icra olunur.
NEZ-nun 9-cu sahəsində əsas çirklənmə mənbəyi olan və uzun illər yığılıb qalmış, eləcə də texnoloji proseslər nəticəsində formalaşan neftşlamın emal edilərək zərərsizləşdirilməsi, sənaye-çirkab sularının təmizlənməsi məhz TED-nin 4-cü sahəsinin kollektivinin səmərəli fəaliyyətinin nəticəsidir. Qeyd etmək lazımdır ki, TED-nin 4-cü sahəsində avqust ayı ərzində orta hesabla 272 min m3-ə qədər sənaye çirkab suları təmizlənmiş, 484 tondan çox neftşlam emal edilərək zərərsizləşdirilmişdir, bu da zavod ərazisinin ekoloji vəziyyətinin yaxşılaşmasına öz müsbət təsirini göstərir.
TED-nin 4-cü sahəsinin kollektivi tullantıların idarəolunması, xidmət sahələrində texnoloji proseslərin fasiləsizliyinin təmin edilməsi və keyfiyyətin yaxşılaşdırılması məqsədilə, qurğu və avadanlıqların saz vəziyyətdə işləməsi, həmçinin texnoloji reqlamentə dəqiq əməl olunması sahəsində mütəmadi olaraq məqsədyönlü tədbirlər həyata keçirir. 2015-ci ilin müvafiq dövründə də bu sahədə zəruri işlər yerinə yetirilmişdir.
H.Əliyev adına NEZ-nun ərazisində ekoloji vəziyyətin yaxşılaşdırılması məqsədilə həyata keçirilən tədbirlər planı çərçivəsində TED-nin 4-cü sahəsinin üzərinə düşən vəzifələrə layiqincə əməl olunması istiqamətində tədbirlər hazırda da davam etdirilir.
tarix : 10.09.2015
|
ana səhifə
Satınalma
əlaqə
Futzal
Alternativ Enerji
Bu maraqlıdır
