|
Xidmətlərimiz
|
|
|
|
"Ekol Mühəndislik Xidmətləri" QSC-də çalışan işçilərin tibbi müayinəsi davam edir
|
|
"Ekol Mühəndislik Xidmətləri" QSC-də çalışan işçi personalın sağlamlığının qorunması, texniki təhlükəsizliyinin təmin edilməsi, iş şəraitlərinin yaxşılaşdırılması və onların sosial problemlərinin həlli "Ekol Mühəndislik Xidmətləri" QSC-nin fəaliyyətinin əsas istiqamətlərindən biridir. Bu sahədə ardıcıl məqsədyönlü tədbirlər həyata keçirilir. Tədbirlər sırasında işçilərin sağlamlığının qorunması və peşə xəstəliklərinin qarşısının vaxtında alınması məqsədilə, müəssisənin maliyyə vəsaiti hesabına işçi personalının ildə bir dəfə tibbi müayinədən keçirilməsinə xüsusi önəm verilir.
Bununla əlaqədar olaraq, cəmiyyətimiz ilə “Modern Hospital” Məhdud Məsuliyyətli Cəmiyyəti arasında müvafiq müqavilə imzalanmış və bu müqaviləyə əsasən işçi personalı ildə bir dəfə burada tibbi müayinədən (Check Up) keçirilir. “Modern Hospital”-da yüksək bilik və bacarığa malik olan həkim personalı xidmət göstərir. Eyni zamanda, işçilərin sağlamlığının qorunması məqsədi ilə QSC-nin Meqa Sığorta Şirkəti ilə olan müqaviləsi əsasında işçilərimiz tibbi sığorta xidməti ilə də təmin olunmuşlar.
Ənənəvi olaraq hər il olduğu kimi, 2015-ci ilin oktyabr ayının 1-dən başlayaraq QSC-də çalışan işçilərin “Modern Hospital”-da növbəti tibbi müayinəsinə başlanılmışdır. Tibbi müayinədən keçmiş işçilər zəruri hallarda tibbi sığorta xidməti ilə “Modern Hospital”-da, o cümlədən respublikamızda fəaliyyət göstərən bir çox müasir klinikalarda ödənişsiz müalicə kurslarına cəlb olunur və lazımı dərman preparatları ilə təmin edilirlər.
Hazırda istehsalat proseslərinin fasiləsizliyi təmin edilməklə, növbə ilə digər işçilərin də müayinədən keçmələri davam etdirilir. Tibbi müayinənin noyabr ayının əvvəlində başa çatdırılması nəzərdə tutulmuşdur.
tarix : 13.10.2015
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
