Yaşıllıqların salınması və bitkilərə aqrotexniki xidmətlərin göstərilməsini QSC-nin Torpaqların  Rekultivasiyası Departamenti (TRD)  həyata keçirir. Təcrübəli mütəxəssislərinin və bağbanların fəaliyyəti nəticəsində əvvəlki illərdə olduğu kimi, bu il də istehsalat sahələrindəki  ağac və bəzək kollarının sayı xeyli dərəcədə artırılmışdır. Yaşıllıqlar müasir suvarma sistemləri ilə təchiz olunmuş, mövsümü aqrotexniki xidmətlər göstərilmişdir.  Bağbanların əməyi sayəsində, suvarma işlərinin müntəzəm aparılması və yaşıllıqlara vaxtlı-vaxtında  aqrotexniki qulluq göstərilməsi nəticəsində istehsalat sahələri   yaşıllıqlara bürünmüşdür. QSC-nin xidmət sahələrində texnoloji proseslərinin təkmilləşdirilməsi və yeni texnologiyaların tətbiqi də atmosferə atılan zərərli tullantıların miqdarının azalmasına və  yaşıllıqların yaxşı  inkişaf etməsinə  öz  müsbət təsirini göstərmişdir.
      "Ekol  Mühəndislik  Xidmətləri" QSC-nin xidmət  göstərdiyi  yaşıllaşdırma sahələrində də payız mövsümü işləri geniş vüsət almışdır.  Hazırda QSC-nin TRD-nin əməkçiləri, mütəxəssisləri  SOCAR-ın  Qaz Emalı Zavodunun  istehsalat  sahəsində, “Bibiheybətneft” ərazisində müxtəlif  növ ağac, bəzək  və gül kollarına yüksək səviyyədə aqrotexniki xidmətlər göstərilir. Yaşıllıqların suvarılmasında  əsasən mexaniki üsullardan geniş istifadə olunur ki,  bu da öz səmərəli nəticələrini  verməkdədir.
     Ekoloji vəziyyətin yaxşılaşdırılmasında və insan sağlamlığının qorunmasında yaşıllıqların roluna böyük önəm verən "Ekol Mühəndislik Xidmətləri" QSC,  bu sahəni fəaliyyətinin əsas tərkib hissəsi kimi qəbul edərək bundan sonra da bütün zəruri tədbirlərin həyata keçirilməsini nəzərdə tutur. 
 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...