Noyabr ayının 23-də Bakı şəhərinin “Boulevard Hotel”də Alman-Azərbaycan Xarici Ticarət Palatasının təşkil etdiyi “15-ci Alman-Azərbaycan İqtisadi Forum”da, respublikamızda fəaliyyət göstərən bir çox yerli və xarici şirkətlərlə birlikdə “Ekol Mühəndislik Xidmətləri” QSC-nin nümayəndələri də iştirak etmişlər. Tədbirdə QSC-ni, baş direktorun ümumi işlər üzrə müavini İsrafil Əliyev və Ekoloji monitorinq departamentinin rəisi Şahabiddin Albuşov təmsil etmişlər.
Forumun açılış mərasimində Almaniya Federativ Respublikasının İqtisadiyyat və Enerji Federal Nazirliyinin nümayəndə heyyəti, Alman- Azərbaycan İqtisadi Ticarət Palatası və Azərbaycan Respublikasının İqtisadi İnkişaf Nazirliyi, Energetika Nazirliyi , SOCAR və digər yerli və xarici şirkətlər də iştirak etmişdirlər. Rəsmi açılışdan sonra “Tikinti və maşınqayırma”, “Neft-qaz və kimya sənayesi” mövzuları ətrafında görüş qarşılıqlı dialoq əsasında davam etmişdir.
Yüksək səviyyədə keçirilmiş forum Almaniya və Azərbaycan müəssisələri arasında neft-qaz, maşın və avadanlıq, tikinti və tikinti materialları, ətraf mühit sahələrini təmsil edən şirkətlərlə ikitərəfli görüşlərin baş tutacağını, bu görüşlərdən yeni biznes imkanları əldə etmək, yeni layihələr tanımaq, əməkdaşlıq münasibətlərinin qurulması və inkişaf etdirilməsi baxımından əhəmiyyətli olmuşdur.
tarix : 26.11.2015
|