Hava şəraitinin dəyişkən keçməsi və qış mövsümü ilə əlaqədar olaraq, sənaye-çirkab sularının təmizlənməsi, neftşlamın emalı və zərərsizləşdirilməsi proseslərinin fasiləsizliyinin təmin olunması məqsədilə, istehsalat sahələrində qışa hazırlıq tədbirləri həyata keçirilmişdir.
Kompleks tədbirlər planına uyğun olaraq QSC-nin Elektromexanika sexinin kollektivi Tullantıların Emalı Departamentinin (TED) 6-cı sahəsində (Heydər Əliyev adına NEZ-nun 9-cu sexinin ərazisi) təmizləyici qurğularda, nasoslarda, boru xətlərində, elektrik şəbəkəsində profilaktiki təmir və izolyasiya işlərini yüksək keyfiyyətlə yerinə yetirmişlər. Qış mövsümü ilə əlaqədar olaraq QSC-nin 1 saylı qazanxanası inzibati, məişət və istehsalat binalarını fasiləsiz olaraq istiliklə təmin edir. İstehsalat sahələrinin istilik enerjisinə olan tələbatı daha da yaxşılaşdırılmışdır. TED-nin 6-cı sahəsində məhsuldarlığı 4 500 kq/saat; təzyiqi 6-8 atmosfer olan 3 saylı qazanxana vasitəsi ilə “Alfa Laval” şirkətinin dekantr və “Pieralisi” şirkətinin trikantr qurğuları istiliklə fasiləsiz təmin olunur. Bundan başqa istehsalatın fasiləsizliyinin təmin olunması, qurğuların və xüsusi texnikanın qış rejimində işləməsi məqsədilə ehtiyat ötürücü qurğular və enerji mənbələri quraşdırılmış, sınaqdan keçirilmişdir. Hazırda QSC-də bu istiqamətdə işlər davam etdirilir.
tarix : 10.12.2015
|