12 dekabr ümummilli lider Heydər Əliyevin əbədiyyətə qovuşduğu bir tarix kimi Azərbaycan xalqının yaddaşında dərin iz buraxıb. Hər il, 12 dekabrda xalqımız bu dahi insanın əziz xatirəsini böyük ehtiramla yad edir, təntənəli anım mərasimləri keçirilir.
Ulu öndərin vəfatının 12-ci ildönümü ilə əlaqədar dövlət qurumları, siyasi partiyalar, qeyri-hökumət təşkilatları və ictimaiyyətin nümayəndələri bu il də silsilə tədbirlər keçirir, onun Fəxri Xiyabandakı məzarını ziyarət edərək əziz xatirəsini məhəbbətlə yad edirlər. 2015-ci ilin dekabrın 11-də “Ekol Mühəndislik Xidmətləri” QSC-nin rəhbərliyi və kollektivin nümayəndələri, Yeni Azərbaycan Partiyasının fəalları, dekabrın 12-də isə SOCAR-ın çoxsaylı kollektivi ümummilli liderin Fəxri Xiyabandakı məzarını ziyarət etmiş, abidəsi önünə tər çiçəklər düzmüş, onun əziz xatirəsini bir dəqiqəlik sükutla yad etmişlər. Ulu öndər Heydər Əliyevin xatirəsi Azərbaycan xalqının qəlbində əbədi yaşayacaqdır.
tarix : 12.12.2015
|