Xidmətlərimiz
|
|
|
|
QSC-nin xidmət sahələrində qış mövsümünə hazırlıq işləri başa çatmışdır.
|
Cari ilin qış mövsümündə “ Ekol Mühəndislik Xidmətləri ” QSC-nin xidmət sahələrində obyektlərin və inzibati binaların qışa hazırlığının, işçilərin iş şəraitinin yaxşılaşdırılmasının və xidmətlərin fasiləsizliyinin təmin edilməsi məqsədilə, təsdiq olunmuş "Qış mövsümünə hazırlıq tədbirlər planı” nın icrası başa çatmışdır.
Mövsüm ilə əlaqədar QSC-nin Tullantıların Emalı Departamentinin (TED) 3,5, 6-cı sahələrində (Heydər Əliyev adına NEZ- nun 9-cu sahənin ərazisi), eləcə də 4-cü sahəsində boru xətləri və siyirtmələr izolyasiya edilmiş, bəzi sahələrdə isə siyirtmələr dəyişdirilmişdir. Məişət binalarında, sexlərdə və nasosxanalarda zəruri profilaktiki təmir işləri aparılmışdır. Tədbirlər planı çərçivəsində QSC-nin balansında olan nəqliyyat vasitələri, xüsusi texnikalar, qurğu və avadanlıqlar tam hazırlıq vəziyyətinə gətirilmiş, yanacaq sürtgü materialları və ehtiyat hissələri tədarük edilmişdir. Bütün xidmət sahələrinin elektrik və istilik təsərrüfatları texniki baxışdan keçirilmiş, təmir və sazlama işləri yerinə yetirilərək tam işlək vəziyyətə gətirilmişdir. İşçilərin qış geyimləri ilə təmin olunması üçün müvafiq tədbirlər görülmüş və işçi personal qış şəraitinin iş rejimi ilə təlimatlandırılmışdır. Qış mövsümünü mütəşəkkil keçirmək məqsədilə, QSC-nin xidmət göstərdiyi yaşıllaşdırma sahələrində də məqsədyönlü tədbirlər həyata keçirilmişdir. Ağaclarda budama işləri vaxtında başa çatdırılmış, sahələrə gübrələr verilmiş və bitkilərin şaxtadan mühafizəsi üçün görüləcək qabaqlayıcı tədbirlərin istiqamətləri müəyyən edilmişdir. Tədbirlər planında nəzərdə tutulmuş işlərin vaxtında və keyfiyyətlə yerinə yetirilməsi, “Ekol Mühəndislik Xidmətləri” QSC-nin növbəti mövsümləri də uğurla başa vuracağına etibarlı zəmin yaratmışdır.
tarix : 17.12.2015
|
|
|
|
|
|
|