Xidmətlərimiz
|
|
|
|
"Ekol Mühəndislik Xidmətləri" QSC neftşlamın ətraf mühitə təsirinin qarşısını almaq üçün zəruri tədbirlər həyata keçirir
|
“Ekol Mühəndislik Xidmətləri” QSC-nin əsas fəaliyyət sahələrindən biri də Heydər Əliyev adına NEZ-nun 9-cu sahəsi ərazisində texnoloji proseslər nəticəsində formalaşan sənaye-çirkab sularının təmizlənməsidir. Sənaye-çirkab sularının müasir üsullarla və qəbul edilmiş normalara uyğun təmizlənməsi üçün QSC-də davamlı olaraq zəruri tədbirlər həyata keçirilir. Belə ki, QSC-nin Tullantıların Emalı Departamentinin (TED) 6-cı sahəsində 5 saylı əlavə çökdürücü gölün neftşlamdan təmizlənməsinə start verilmişdir. Çökdürücü göllərin vaxtaşırı təmizlənməsində əsas məqsəd bütün təmizləmə proseslərinin keyfiyyətinin artırılması və sifarişçi qarşısında götürülən öhdəliklərin daha da yüksək səviyyədə həyata keçirilməsidir.
Vaxtaşırı olaraq mexaniki təmizləmə qurğularının ayrı-ayrı hissələri çöküntülərdən təmizlənir və profilaktiki təmir işləri yerinə yetirilir. Heydər Əliyev adına NEZ-nun istehsalat sahələrində neftşlam İsveçin “Alfa-Laval” şirkətinin dekanter həmçinin Hollandiya və İtaliya şirkətlərinin birgə istehsalı olan “Pieralisi” trikanter qurğuları vasitəsilə emal edilərək zərərsizləşdirilir. Bununla yanaşı, QSC-də neftşlamın zərərsizləşdirilməsinin digər üsulları da araşdırılır və bioloji, kimyəvi maddələrin təsiri ilə neft məhsullarının sudan və mexaniki qarışıqlardan daha da səmərəli ayrılması istiqamətində işlər aparılır. Təmizləyici qurğuların çöküntülərdən təmizlənməsi və profilaktiki təmir işləri dövrü olaraq Heydər Əliyev adına NEZ-nun 9- cu sahəsi ərazisində həyata keçirilir.
tarix : 11.01.2016
|
|
|
|
|
|
|